நிலத்தில் திடீர் பிளவு – பூமிக்குள் மறைந்தன கட்டடங்கள்!!

நேற்று அமெரிக்காவின் தென்கிழக்கு பகுதியில் அமைந்துள்ள புளோரிடா மாநிலத்தில் பூமியில் ஏற்பட்ட பிளவில் இரண்டு கட்டடங்கள் பூமியில் புதைந்துள்ளன.

திடீரென பூமியில் ஏற்பட்ட பிளவு கட்டடங்கள் முழுமையாக பூமியினுள் புதைந்ததைத் தொடர்ந்து அருகில் உள்ள வீடுகளில் வசிப்போர் அவசர அவசரமாக வெளியேற்றப்பட்டனர்.

சிறியதாக ஏற்பட்ட பிளவு சிறிது நேரத்தில் பெரியதானதால் இரண்டு கட்டடங்கள் பூமிக்கடியில் புதைந்தன என்று கூறப்படுகின்றது. பூமியில் ஏற்பட்ட பிளவு தற்போது நின்றுள்ளது என்றும் தெரிவிக்கப்பட்டுள்ளது.

இதுவரை இரு கட்டிடங்களை முழுமையாக அழித்துள்ள பிளவு முழுக்க கழிவு நீர் சூழ்ந்துள்ளது. அருகில் உள்ள ஏரி வரை இந்த பாதிப்பு நீளும் என்ற அபாயம் ஏற்பட்டுள்ளது.

பிளவு நின்றிருப்பதைத் தொடர்ந்து அந்தப் பகுதியில் மீட்பு பணிகள் துவங்கப்பட்டுள்ளது.

சம்பவம் ஏற்பட்ட பகுதி வாசிகள் தங்களது வீடுகளில் இருந்து வெளியேற்றப்பட்டனர். அந்தப் பகுதியில் மின் இணைப்பும் துண்டிக்கப்பட்டுள்ளது என்று தெரிவிக்கப்பட்டுள்ளது.

You might also like