பாலாவி தீர்த்தக் குளத்தில் – முதலைகள் அட்டகாசம்!!

Get real time updates directly on you device, subscribe now.

மன்னார் திருக்கேதீஸ்வரம் பாலாவித் தீர்த்தக் குளத்தில் முதலைகள் அட்டகாசம் அதிகரித்துள்ள நிலையில் வன ஜீவராசிகள் திணைக்களம் கண்டுகொள்ளாது இருக்கின்றது என்று ஆலயத் திருப்பணிச் சபை குற்றஞ்சாட்டுகிறது.

பஞ்ச ஈஸ்­வ­ரங்­க­ளில் ஒன்­றான நாயன்­மார்­க­ளால் பாடல் பெற்ற மன்­னார் திருக்­கே­தீஸ்­வ­ரத் திருத்­த­லத்­துக்கு நாட்­டின் பல இடங் க­ளில் இருந்­தும் தினமும் ஆயி­ரக்­க­ணக்­கான மக்­க­ளும், திரு­வி­ழாக் காலங்­க­ளில் பல இலட்­சக் கணக்­கான மக்­க­ளும் இன மத பேத­மின்றி வருகை தந்து பாலாவி தீர்த்­தக் குளத்­தில் தீர்த்­தம் எடுத்து நீராடி தங்­க­ளது நேர்த்­திக் கடன்­களை நிறைவு செய்­வ­துண்டு.

ஆனால் சில மாதங்­க­ளாக திருக்­கே­திஸ்­வ­ரத்­தின் பாலாவி தீர்த்­தக்­கு­ளத்­தில் முத­லை­கள் நிறைந்து காணப்­ப­டு­வ­தா­க­வும் தீர்த்­தக் குளத்­தில் நீரா­டச் செல்ல மக்­கள் அச்­சப்­ப­டு­கின்­ற­தா­க­வும் அங்கு சென்­று­வந்த மக்­கள் தெரி­வித்­த­னர்.

இது தொடர்­பில் திருக் கே­தீஸ்­வர ஆல­யத் திருப்­ப ­ணிச் சபை உறுப்­பி­னர் மகா­லிங்­கம் நடே­சா­னந்­த­னி­டம் கேட்­ட­போது,

‘‘மாவட்­டத்­தில் பெய்த கடும் மழை­யின் கார­ண­மாக புனி­த­மான பாலா­வித் தீர்த்­தக் குளத்­தில் முத­லை­கள் அதி­க­ள­வில் வந்து சேர்ந்­தி­ருக்­கின்­றன. இதனை கண்­கா­ணித்து மக்­க­ளுக்கு விழிப்­பு­ணர்­வு ­டன் தெரி­யப்­ப­டுத்­தும் வகை­யில் அறி­வு­றுத்­தல் பதா­கையை அந்த இடத்­தில் வைத்­தி­ருக்­கின்­றோம்.

அது­மட்­டு­மல்­லா­மல் பக­லில் காவ­லாளி ஒரு­வரை நிய­மித்து வரு­கின்ற அடி­ய­வர்­கள் தீர்த்­தம் எடுக்­கின்­ற­வர்­கள் பாலா­வித் தீர்த்­தக் குளத்­தில் குளிக்­கின்­ற­ வர்­கள் அனை­வ­ருக்­கும் அந்த காவ­லாளி மூலம் முத­லைப் பிரச்­சினை தொடர்­பில் தெரி­யப்­ப­டுத்­து­கின்­றோம்.
மடு­வில் இருக்­கின்ற மாவட்ட வன ஜீவ­ரா­சி­கள் திணைக்­க­ளத்­துக்கு இது தொடர்­பில் கடந்த மாதம் பதி­னைந்­தாம் திகதி கடி­தம் கொடுத்­தோம்.

அத­னை­விட முத­லை­கள் அட்­ட­கா­சம் பற்­றி­யும் அவற்­றால் ஏற்­ப­டும் விளை­வு­கள் பற்­றி­யும் வங்­கா­லை­யில் உள்ள வன ஜீவ­ரா­சி­க­ளின் உப அலு­வ­ல­கத்­துக்­குப் பொறுப்­பான அதி­காரி திசா­ருக்­கும் பல தடவை தெரி­யப்­ப­டுத்­தி­யுள்­ளோம். எனி­னும் குளத்­தில் உள்ள முத­லை­க­ளைப் பிடித்து வெளி­யில் அகற்றி பக்­தர்­கள் அச்­ச­மின்றி குளத்­தில் நீராடி வழி­ப­டு­வ­தற்கு வன­ஜீ­வ­ரா­சி­கள் திணைக்­க­ளம் எந்த ஒரு முன்­னேற்­ற­க­ர­மான முயற்­சி­க­ளும் எடுக்­க­வில்லை.

மாறாக, ‘தண்­ணீ­ருக்­குள் இருக்­கும் முத­லை­களை பிடித்து அகற்­று­வ­தற்கு எங்­க­ளி­டம் போதிய உப­க­ர­ணங்­கள் இல்லை. கொழும்­புக்கு இந்த தக­வல்­களை அனுப்பி அனு­ரா­த­பு­ரத்­தி­லி­ருந்து அதற்­கான கூடு­கள் உப­க­ர­ணங்­கள் வர­வேண்­டும்’ என்று சாட்­டு­க­ளைக் கூறி வன ஜீவ­ரா­சி­கள் திணைக்­க­ளம் காலம் கடத்­து­கின்­றது.

எனவே, காலம் கடத்­தும் செயற்­பா­டு­களை விட்­டு­விட்டு வர­வி­ருக்­கின்ற திரு­வி­ழாக் காலத்­தில் கோவி­லுக்கு வரும் பெரு­ம­ள­வி­லான பக்­தர்­கள் அச்­ச­மும் அசம்­பா­வி­தங்­க­ளும் இல்­லா­மல் பாலா­வித் திர்த்­தக் குளத்­தில் நீராடி வழி­பாடு செய்­வ­தற்கு ஏற்­ற­வாறு குளத்­தில் உள்ள முத­லை­களை வெகு விரை­வில் பிடித்து வெளியே அகற்றி விட வேண்­டும் என பொது­மக்­கள் சார்­பாக திருக்­கே­ திஸ்­வ­ரத் திருத்­தல ஆலய நிர்­வா­க­மும் ஆலய திருப்­ப­ணிச்­ச­பை­யும் வன ஜீவ­ரா­சி­கள் திணைக்­க­ளத்­தி­ன­ரி­ டம் வின­ய­மாக கேட்­டுக்­கொள்­கின்­றோம்’’-­–என்­றார்.

திருக்­கே­தீஸ்­வ­ரம் பாலா­வித் தீர்த்­தக்­கு­ளத்­தில் முத­லை­கள் இருப்­பது தொடர்­பா­க­வும் ஆல­யத் திருப் பணிச் சபை­யி­ன­ரின் குற்­றச்­சாட்­டுக்­கள் தொடர்­பா­க­வும் வன­ஜீ­வ­ரா­சி­கள் திணைக்­க­ளத்­தின் வங்­காலை உப அலு­வ­ல­கத்­தில் தொடர்பு கொண்டு கேட்­ட­போது, ‘‘திருக்­கே­தீஸ்­வ­ரம் ஆலய நிர்­வா­கத்­தி­ன­ரும் ஆலய திருப்­ப­ணிச் சபை­யி­ன­ரும் எம்­மி­டம் தொடர்பு கொண்டு பாலாவி தீர்த்­தக் குளத்­தில் முத­லை­கள் இருப்­பது தொடர்­பாக கடி­தம் மூலம் அறி­வித்­தல்­கள் தந்­துள்­ளார்­கள். இந்த சம்­ப­வம் தொடர்­பாக மடுப்­ப­கு­தி­யில் இருக்­கும் தலைமை அலு­வ­ல­கத்­துக்கு தெரி­யப்­ப­டுத்­தி­யுள்­ளோம்.

அனு­ரா­த­பு­ரத்­தி­லி­ருந்து நீருக்­குள் இருக்­கும் முத­லை­க­ளைப் பிடிப்­ப­தற்­கான அனு­ம­தி­யும் அதற்­கான மருத்­துவ அதி­காரி மற்­றும் உப­க­ர­ணங்­கள் வந்­த­வு­டன் விரை­வில் முத­லை­களை அகற்ற நட­வ­டிக்கை எடுக்கப்படும்’’ என்று தெரி­வித்­த­னர்.

You might also like

முகப்புக்குச் செல்ல

Leave a Reply

avatar
  Subscribe  
Notify of