பொய்யும் புரட்டும் கலந்த பரப்புரைகள் இலங்கைத் தேர்தல்களில் வழக்கமானவையே

அர­சி­யல் பொய் வாக்­கு­று­தி­க­ளும், பொய்­யான பரப்­பு­ரை­க­ளும் இலங்­கை­யைப் பொறுத்­த­வரை புதிய விட­யங்­க­ளல்ல. ஆனால் கடந்த அரச தலை­வர் தேர்­தல் சம­யத்­தில் இந்த வழக்­கம் பெரிய அள­வில் தலை­யெ­டுத்­தி­ருந்­த­தா­கக் கரு­தப்­பட்­டது. பொய்­யான வாக்­கு­று­தி­கள், பொய்­யான வாய­டிப்­புக்­கள், பொய்­யான குற்­றச்­சாட்­டுக்­கள் போன்றே பொய்­யான விசா­ர­ணை­க­ளும் கூட முன்­னெ­டுக் கப்­பட்­டமை குறித்த அனு­ப­வங்­கள் வாக்­கா­ளர்­க­ளுக்­குக் கிட்­டி­யிருந்­தன.

இவற்­றால் எந்த அள­வுக்கு நாட்­டுக்கு பாதிப்பு ஏற்­பட்­டி­ருப்­பி­னும், கடை­சி­யில் இவற்­றின் மூலம் நாட்டு மக்­கள் பாடம் கற்­றுக் கொண்­டி­ருந்­தி­ருப்­பார்­க­ளா­னால் எதிர்­கா­லத்­தி­லா­வது இத்­த­கைய பொய்­க­ளால் ஏமா­றா­தி­ருக்க அவர்­க­ளுக்கு வாய்ப்பு அமை­யக்­கூ­டும்.

அந்த வகை­யில் கடந்த 2015 ஆம் ஆண்­டின் அரச தலைவர் தேர்­தல் மற்­றும் நாடா­ளு­மன்­றத் தேர்­தல் வேளை­க­ளில் நாம் கேட்க நேர்ந்த கதை­கள் சில­வற்றை ஞாப­கப்­ப­டுத்­திப் பார்ப்­போமே!

முன்னைய ராஜபக்ச  அரசு மீது, மைத்திரி தரப்பு முன்வைத்த குற்றச்சாட்டுகள்

வெளிநாட்டு வங்­கி­க­ளில் பெருந்­தொ­கைப்­ப­ணம் அரச தரப்­பி­ன­ரால் வைப்­பில் இடப்­பட்­டுள்­ள­தா­கத் தலை­யில் அடித்­துச் சத்­தி­யம் செய்­யாத குறை­யாக விமர்­ச­னம் முன்­வைத்­த­ வர்­க­ளது குற்­றச்­சாட்­டுக் குறித்து ஏதா­வது நட­வ­டிக்கை எடுக்­கப்­பட்­டதா? யாழ்ப்­பா­ணத்­தி­லி­ருந்து தப்­பித்த நகை­கள் அடங்­கிய வாக­னம் குறித்து கதை கட்­டப்­பட்­டதே. அது குறித்து ஏதா­ வது கண்டு பிடிக்­கப்­பட்டதா? லம்­போ­கினி கார் கொண்டு வரப்­பட்­ட­தாக பக்­கிங்­கா­மி­லி­ருந்து குதிரை கொண்டு வரப்­பட்­ட­தென்ற கதை­ய­ளத்­தல் குறித்து எதா­வது கண்டு பிடிக்­கப்­பட் டதா? தாஜுதீன், லசந்த மற்­றும் என்­னொ­லி­கொட படு­கொலை கள் குறித்து ஏதா­வது தக­வல் கள் வௌிப்­ப­டுத்­தப்­பட்­டனவா?

நெடுஞ்­சா­லை­கள் புன­ர­மைப்பு, அனல்­மின் நிலை­யம், துறை­மு­கம், விமான நிலை­யங்­கள் போன்ற மிகப்­பெ­ரும் திட்­டங்­கள் தொடர்­பான கையாள்­கை­யில் தர­குப்­ப­ணம் பெறப்பட்ட­தாக வழக்­கே­தும் தொடுக்­கப்­பட்­ட­துண்டா? பொது மக்­க­ளது அத்­தி­யா­வ­சிய பாவ­னைப் பொருள்­க­ளின் விலை­கள் உண்­மை­யில் குறைக்­கப் பட்­டுள்­ள­னவா? தனி­யார் துறை ஊழி­யர்­க­ளுக்­கான சம்­ப­ளங்­கள் உயர்த்­தப்­பட்­டுள்­ள­னவா? கல்­வித்­து­றைக்கு, அர­சின் தேசிய உற்­பத்­தி­யில் ஆறு­வீ­தம் ஒதுக்­கப்­பட்­டுள்­ளமை உண்­மை­தானா? இளை­ஞர் யுவ­தி­க­ளுக்கு இல­வச ‘வைபை’ வழங்­கப்­பட்­ட­னவா? ‘கசினோ’ சூதாட்ட நடை­முறை முடக்­கப்­பட் டுள்­ளதா?

பவு­ணால் செய்­யப்­பட்­டதா எனக் கேள்வி எழுப்­பட்ட அதி­வேக நெடுஞ்­சாலை அமைப்­புக்­கான செல­வி­னங்­கள் குறை­வ­டைந்­த­னவா? தேயிலை, இறப்­பர் உற்­பத்­தி­யா­ளர்­க­ளுக்கு அவற்­றின் விலை­கள் உறுதிப்­ப­டுத்­தப்­பட்­ட­னவா?

விவ­சா­யி­க­ளுக்­கான உர மானி­யம் தொடர்ச்­சி­யா­கக் கிட்­டி­னவா?
க.பொ.த. உயர்­தர வகுப்பு மாண­வர்­க­ளுக்கு இல­வ­ச­மாக கணி­னி­கள், டப் வச­தி­கள் வழங்­கப்­பட்­ட­னவா? நாட்­டில் போதைப்­பொ­ருள் பாவனை கட்­டுப்­ப­டுத்­தப்­பட் டதா?

இவற்­றைப் போன்ற ஏரா­ள­மாகக் கேள்­வி­களை எழுப்ப வேண்டி நேர்ந்­த­மைக்­கான கார­ணம், அந்த அள­வுக்கு இன்­றைய ஆட்­சி­யா­ளர்­கள், தாம் பத­வி­யேற்ற நாளி­லி­ருந்து நாட்டு மக்­க­ளுக்கு வழங்கி வந்த வாக்­கு­று­தி­கள் மற்­றும் கூறி­வந்த நம்­பிக்­கை­யூட்­டும் கதை­கள் அத்­த­னை­யும் பச்­சைப்­பொய்­களே என்­றா­கி­யுள்ள கார­ணத்­தி­னா­லா­கும்.

அந்த அள­வுக்கு ஆட்­சி­யா­ளர்­கள் இந்த நாட்டு மக்­களை ஏமாற்றி வந்­துள்­ள­னர் என்­பது இன்று கண்­முன்­னா­லேயே நிரூ­ப­ண­மா­கி­யுள்­ளது. கடந்த மூன்று ஆண்­டு­க­ளாக வாக்­க­ளர்­க­ளது வாக்­க­ளிக்­கும் உரி­மையை தேர்­தல்­கள் நடத்­து­வ­தைப் பிற்­போட்டு ஒத்­தி­வைத்து வந்­த­தன் மூலம் மீறி, நாட்டு மக்­களை மடை­யர்­க­ளாக்­கி­வந்த இன்­றைய ஆட்­சி­யா­ளர்­கள், கடை­சி­யில் உள்­ளூ­ராட்சி மன்­றங்­க­ளுக்­கான தேர்­தலை எதிர்­வ­ரும் பெப்­ர­வரி மாதம் 10 ஆம் திக­தி­யன்று நடத்த ஒழுங்கு செய்­த­தை­ய­டுத்து, மீண்­டும் நாட்­டில் அர­சி­யல் பொய் வாக்­கு­று­தி­க­ளும் பொய்­யான பரப்­பு­ரை­க­ளும், தலை­தூக்­கி­யுள்­ள­மை­யைத் தெட்­டத்­தௌி­வாக உண­ர­மு­டி­கி­றது.

அது சரி, இந்­தத்­த­டவை இந்த அர­சி­யல்­வா­தி­க­ளுக்­கெல்­லாம் நாட்டு மக்­கள் எந்த விதத்­தில் தமது பலத்தை தமது வாக்­கு­க­ளின் மூலம் வௌிப்­ப­டுத்­தப் போகின்­ற­னர் என ஒரு கணம் சிந்­திக்க வேண்­டி­யுள்­ளது. கடந்த சில நாள்­க­ளின் முன்­னர் இலங்கை மத்­திய வங்கி பிணை­முறி ஊழல் விட­யம் தொடர்­பாக தாம் நிய­மித்த விசா­ர­ணைக்­கு­ழு­வின் அறிக்­கை­யின் அடிப்­ப­டை­யில்,அத்­த­கைய ஊழல் இடம் பெற்­ற­மையை அரச தலை­வர் அதி­கா­ர­பூர்­வ­மாக ஒப்­புக் கொண்­டமை அர­சிய­ல­ரங்­கில் முக்­கிய சம்­ப­வ­மொன்­றா­கக் கரு­தப்­பட்­டது.அத்­த­கைய ஊழல் கார­ண­மான நட்­டம் தவ­றி­ழைத்­தோ­ரி­ட­மி­ருந்து அற­வி­டப்­ப­டு­மென அர­ச­த­லை­வர் தெரி­வித்­த­மை­யை­ய­டுத்து, சில தரப்­பி­னர் அத்­த­கைய தவறை மூடி மறைக்க மற்­ற­வர்­களை நோக்கி விரல் நீட்­டிக் குற்­றம் சாட்­டி­ய­மை­யை­யும் எம்­மால் உணர முடிந்­தது.

பிணைமுறி ஊழல் காரணமான நட்டம் எவரிடமிருந்து அறவிடப்படவுள்ளது  என்பதில் தெளிவில்லை

மத்திய வங்கி பிணை முறி வழங்கலில் ஊழல் இடம்­பெற்­ற­தாக அரச தலை­வரே ஒப்­புக்­கொண்­டமை பாராட்­டத்­தக்க தொன்றேயாயினும், இந்த விட­யத்­தில் வேறு சில அம்­சங்­க­ளும் குறை­பா­டு ­க­ளா­கக் கொள்­ளப்­ப­ட­வேண்­டி­யி­ருக்­கின்­றன.
குறித்த ஊழல் மோசடி கார­ண­மாக மொத்­த­நட்­டம் என்ற வகை­யில் கோடிக்­க­ணக்­கான ரூபா நிதி மோசடி இடம்­பெற்­றுள்­ள­தா­கத் தெரி­கி­றது. இத்­த­கைய பெருந்­தொகை நிதி மோசடி நாட்டு மக்­க­ளைப் பெரு­ம­ள­வில் பாதிக்குமொன்று.

அத்­த­கைய பெருந்­தொகை எவ­ரி­ட­மி­ருந்து எந்த விதத்­தில் அற­வி­டப்­ப­டும் என்­பது குறித்­துத் தௌிவு­ப­டுத்­தப்­ப­டாமை நாட்டு மக்­கள் மன­தில் பெரும் சந்­தே­கங்­க­ளையே தோற்­று­வித்­துள்­ளது.
உள்­ளூ­ராட்­சிச் சபை­க­ளுக்­கான தேர்­த­லுக்­கான தினம் தீர்­மா­னிக்­கப்­பட்ட சம­யத்­தி­லேயே அர­ச­த­லை­வர் மத்­திய வங்கி பிணை­முறி ஊழல் தொடர்­பான விசா­ரணை அறிக்கை குறித்த தமது கருத்தை வௌியிட்­டி­ருந்­தார். இது தேர்­த­லுக்கு எந்த வகை­யில் பாதிப்பை ஏற்­ப­டுத்­தும் என்­பது குழப்­பத்தைத் தரு­மொன்றே. ஏனெ­னில் இந்­தத் தேர்­தல் அர­சின் இரு முக்­கிய தரப்­புக்­க­ளுக்­கும், கூட்டு எதி­ரணித் த­ரப்­புக்­கும் முக்­கி­யத்­து­வம் வாய்ந்­த­தொன்று என்­ப­த­னா­லா­கும்.

கடந்த அர­ச­த­லை­வர் தேர்­த­லில் பொது வேட்­பா­ள­ரா­கக் கள­மி­றக்­கப்­பட்ட மைத்­தி­ரி­பால சிறி­சேன அன்­னப்­பட்­சிச் சின்­னத்­தில் போட்­டி­யிட்­டார். அந்­தக் கூட்­டணியில் ஜ.தே.க, தமிழ்த்­தே­சி­யக் கூட்­ட­மைப்பு, ஜே.வி.பி, முஸ்­லிம் காங்­கி­ரஸ், ஜன­நா­ய­கக் கட்சி உட்­பட்ட பல கட்­சி­க­ளுக்கு ஆத­ர­வான வாக்­கு­க­ளும், மைத்­தி­ரி­பா­ல­வுக்­குத் தனிப்­பட்ட மறை­யி­லான ஆத­ரவு வாக்­கு­க­ளும் அடங்­கி­யி­ருந்­தன.

அந்த அர­ச­த­லை­வ­ருக்­கான தேர்­த­லில் மைத்­தி­ரி­பா­ல­வுக்கு 62 லட்சத்து 17,162 வாக்­கு­க­ளும், மகிந்த ராஜ­பக்­ச­வுக்கு 57 லட்சத்து 68,090 வாக்­கு­க­ளும் பதி­வா­கி­யி­ருந்­தன. 4 லட்சத்து 49,072 மேல­திக வாக்­கு­கள் பெற்று மைத்­தி­ரி­பால சிறி­சேன அர­ச­த­லை­வ­ரா­கத் தேர்­வா­னார்.

ஆனால் 2015 நாட­ளு­மன்­றத்­தேர்­த­லில் மைத்­தி­ரி­பால தரப்­பும், மகிந்த தரப்­பும் ஐ.ம.சு. கூட்­ட­ணி­யில் போட்­டி­யிட்­ட­தால், மைத்­தி­ரி­பா­ல­வுக்கு தனிப்­பட்ட ஆத­ரவு வாக்­கு­கள் இருந்­தி­ருப்­பின் அது அந்­தக் கூட்­ட­ணிக்­கான ஆத­ரவு வாக்­கு­களை உயர்த்­தி­யி­ருந்­தி­ருக்க வேண்­டும். ஆனால் நடந்­த­தென்ன? ஐ.ம.சு.கூட்­ட­ணி­யால் 47லட்சத்து 32,664 வாக்­குகளையே அந்த நாடா­ளு­மன்­றத் தேர்­த­லில் பெற முடிந்தது.

ஐ.தே.க, தமிழ்த்­தே­சி­யக் கூட்­ட­ மைப்பு, ஜே.வி.பி, முஸ்­லீம் காங்­கி­ரஸ், ஜன­நா­ய­கக்­கட்சி ஆகி­யவை தனித்­த­னியே பெற வாக்குகளின் மொத்த எண்ணிக்கை 62 லட்சத்து 31, 653 ஆகும். அந்த வகை­யில் அரச தலை­வர் தேர்­த­லில் மைத்­தி­ரி­பால சிறி­சே­ன­வுக்கு தனிப்­பட்ட ஆத­ரவு வாக்­கு­கள் என்று சொல்­லிக் கொள்­ளு­ம­ள­வுக்­குப் வாக்­கு­கள் கிட்­டி­யி­ருக்­க­ வில்லை என்­பது இதன்­மூ­லம் நிரூ­ப­ண­மா­கி­றது.

2015 நாடா­ளு­மன்­றத் தேர்­த­லில் ஐ.ம.சு.கூட்­டணி மைத்­தி­ரி­பா­ல­வின் தலை­மை­யின் கீழ் போட்­டி­யிட்­ட­தன் மூலம் மகிந்­த­வின் ஆத­ர­வா­ளர்­க­ளது தைரி­யம் வீழ்ச்சி கண்­ட­மையே கண்ட பல­னா­கும். அந்­தத் தேர்­தல் தொடர்­பாக மைத்­தி­ரி­பால சிறி­சேன கூறி­ய­வற்­றை­யும், மேற்­கொண்ட நட­வ­டிக்­கை­க­ளை­யும் நினைவு படுத்­திப் பார்ப்­பது இவ்­வே­ளை­யில் பொருத்­த­மாக அமை­யும்.

ஐ.ம.சு.கூட்­ட­ணி­யின் தலை­வ­ரென்ற வகை­யில் ஆரம்­பத்­தில் மகிந்­த­வுக்கு தேர்­தல் வேட்­பா­ளர் நிய­ம­னம் வழங்க மைத்­தி­ரி­பால மறுத்­தார். பின்­னர் மகிந்­த­வுக்கு வேட்பா­ளர் நிய­ம­னம் வழங்­கிய போதி­லும், மகிந்­த­வைத் தவிர்த்து வேறொ­ரு­வரைத் தலைமை அமைச்­சர் பத­விக்­குப் பெயர் குறித்­தொ­துக்­கு­மாறு தெரி­வித்­தார். ஐ.ம.சு.கூட்­டணி பொதுத் தேர்­த­லில் வெற்றி பெறு­மா­னால் மகிந்­த­வுக்கு தலைமை அமைச்­சர் பதவி வழங்­கப்­போ­வ­தில்­லை­யெ­னப் பகி­ரங்­க­மாக அறி­வித்­தார்.

இவை­யா­வும் அரச தலை­வர் என்ற ரீதி­யி­லும் , ஐ.ம.சு.கூட்­ட­ணி­யின் தலை­வர் என்ற ரீதி­யி­லும் மகிந்­த­ரா­ஜ­பக்­சவை திட்­ட­மிட்­டுப் புற­மொ­துக்­கும் விதத்­தில் மைத்­தி­ரி­பால செயற்­பட்­டி­ருந்­தார் என்­பதை நிரூ­பிக்­கப் போது­மான சான்­று­க­ளா­கும்.

உள்ளூராட்சித் தேர்தலுக்கும் ஏனைய தேர்தல்களுக்கும் மக்கள் ஆதரவில் நிறையவே வேறுபாடு உண்டு

தற்­போது நாம் மீண்­டும் நாடா­ளு­மன்­றத் தேர்­தல் முடி­வு­கள் குறித்து கவ­னம் செலுத்­தி­னால் மகிந்­த­வின் பெருந்­தொ­கை­யான ஆத­ர­வா­ளர்­கள் தமது வாக்­கு­க­ளால் மைத்­தி­ரி­பா­ல­வுக்கு வாய்ப்­புக்­கிட்­டு­வதை விரும்­பாது அந்­தப் பொதுத்­தேர்­த­லில் வாக்­க­ளிப்­ப­தையே தவிர்த்­தி­ருந்­த­னர் என்­ப­தைப் புரிந்து கொள்ள முடி­யும்.

அந்த வகை­யில் நாடா­ளு­மன்­றத் தேர்­த­ல் வேளையில் மகிந்­த­வுக்­கான வாக்கு ஆத­ரவு 58 இலட்­ச­மா­க­வும் அவ­ருக்கு எதி­ரான வாக்­கு­கள் 62இலட்­ச­மா­க­வும் அமைந்­த­தா­கக் கொள்ள இய­லும். இதன் அடிப்­ப­டை­யி­லேயே நாம் எதிர்­வ­ரும் தேர்­த­லை­யும் நோக்க வேண்­டி­யுள்­ளது. எதிர்­வ­ரும் உள்­ளூ­ராட்சி மன்­றங்­க­ளுக்­கான தேர்­த­லில் புதி­தாக வாக்­க­ளிக்­கத் தகு­தி­பெற்ற இளம்­ப­ரம்­ப­ரை­யி­ன­ரது வாக்­குக்­கள் பெரும்­பா­லும் அரச தரப்­புக்கு ஆத­ர­வாக அளிக்­கப்­ப­டப் போவ­தில்லை. ஏனெ­னில் அந்த இளம்­ப­ரம்­ப­ரை­யி­னர் அர­சுக்கு எதி­ரான மன­நி­லை­யையே கொண்­டுள்­ள­னர்.

முன்­னர் மகிந்­த­வுக்கு ஆத­ர­வாக அரச தலை­வர் தேர்­த­லில் கிட்­டிய 58லட்­சம் வாக்­கு­க­ளில் பெரு­ம­ள­மா­னவை இம்­முறை தாமரை மொட்­டுச் சின்­னத் துக்கே கிட்ட இட­முண்டு எனக் கரு­த­வேண்­டி­யுள்­ளது. அதே­ச­ம­யம் இன்று அரச தலை­வர் மைத்­தி­ரி­பால தரப்­பி­லுள்ள அர­சி­யல்­வா­தி­க­ளில் பலர் 2015ஆம் ஆண்­டின் நாடா­ளு­மன்­றத் தேர்­த­லில் போட்­டி­யிட்­டுத் தோல்­வி­யைத் தழு­வி­ய­வர்­கள் என்­பதை நாம் மறந்து விடக் கூடாது.

எதிர்­வ­ரும் தேர்­த­லில் வெவ்­வேறு தரப்­புக்­க­ளாக உடை­யப்­போ­வது அர­சுக்கு ஆத­ர­வா­கச் செயற்­ப­டும் தரப்­புக்­களே. அவர்­க­ளது வாக்­கு­கள் ஐ.தே.க., தமிழ்­த­தே­சி­யக் கூட்­ட­மைப்பு, ஜே.வி.பி., முஸ்­லீம் காங்­கி­ரஸ் மற்­றும் ஜன­நா­ய­கக் கட்­சி­போன்ற தரப்­புக்­க­ளுக்கு பிரி­வ­டைந்து செல்­லப்­போ­கி­றது.

மகிந்­த­வின் தலை­மை­யி­லான தாம­ரை­மொட்டு தரப்பு 58இலட்­சம் வாக்­கு­க­ளைத் தன்­வ­சம் கொண்டே போட் டியை ஆரம்­பிக்­கப்­போ­கி­றது என்ற நம்­பிக்கை சரி­யா­ன­தா­யின், ஐ.தே.கட்சி 2015ஆம் ஆண்டு ஆகஸ்ட் மாதத்து நாடா­ளு­மன்­றத் தேர்­த­லில் பெற்ற 51லட்­சம் வாக்­கு­கள் எதிர்­வ­ரும் உள்­ளூ­ராட்­சித் தேர்­த­லில் தாம­ரை­மொட்டுச் சின்னத் தரப்­பைத் தோற்­க­டிக்கப் போது­மா­ன­தாக அமை­யப்­போ­வ­தில்லை.

இத்­த­கைய கணிப்பு பிழை­யாக அமை­ய­வும் இட­முண்டு. ஏனெ­னில் இடம்­பெ­றப்­போ­வது உள்­ளூ­ராட்சி மன்­றங்­ளுக்­கான தேர்­த­லே­யன்றி நாடா­ளு­மன்­றத் தேர்­தல்ல. உள்­ளூ­ராட்சி மன்­றங்­க­ளுக்­கான தேர்­த­லில் வாக்­கா­ளர்­கள் கட்­சி­க­ளுக்கு முன்­னு­ரிமை வழங்­கிச் செயற்­ப­டு­வ­தை­விட தமக்கு அறி­மு­க­மாக வேட்­பா­ளர்­க­ளுக்கு வாக்­க­ளிக்கவே அதிக வாய்ப் புண்டு என்பது சக­ல­ரா­லும் ஏற்­றுக்­கொள்­ளத்­தக்­க­தொரு விட­ய­மா­கும்.

இந்­தத் தேர்­தலை தனி­ந­பர்­க­ளுக்கு ஆத­ர­வ­ளிப்­ப­தா­கப் பயன்­ப­டுத்­தாது அர­சுக்­குத் தமது எதிர்ப்பை வௌிப்ப்­ப­டுத்­தும் விதத்­தில் பயன்­டுத்­து­மா­று மகிந்­த­வின் தாம­ரை­மொட்டு தரப்பு மீண்­டும் மீண்­டும் கோரி­வ­ரு­வது மேற்­கு­றிப்­பிட்ட அடிப்­ப­டையைக் க­ருத்­தில் கொண்­டே­யா­கு­மெ­னக் கரு­த­மு­டி­யும். ஆயி­னும் அத்­த­கைய கோரிக்­கைக்கு எந்த அள­வுக்கு வாக்­கா­ளர்­க­ளி­ட­மி­ருந்து ஆத­ரவு கிட்­டு­மென அனு­மா­னிப்­ப­தற்கு இன்­ன­மும் காலம் கனி­ய­வில்லை என்றே கூற வேண்­டி­யுள்­ளது.

You might also like