செய்திகள்

அரசியல்வாதிகளும் பயங்கரவாதிகளே – மகேஷ்

அரசியல்வாதிகளும் பயங்கரவாதிகள். அவர்களிடமிருந்து இந்த நாட்டினை காப்பாற்றுவதற்காகவே நான் தேர்தலில் போட்டியிடுகிறேன் என்று தேசிய மக்கள் கட்சியின் ஜனாதிபதி வேட்பாளர் மகேஷ் சேனநாயக்க தெரிவித்தார்.

நேற்று (31) திருகோணமலையில் இடம்பெற்ற தேர்தல் பிரச்சாரத்தில் இதனை தெரிவித்தார். மேலும்,

கடந்த 71 வருட காலமாக நம்மை பிரித்து அரசியல் நாடகமாடிக் கொண்டிருக்கும் இந்த இரண்டு பிரதான கட்சிகளை நாம் தோற்கடிப்பதற்கான ஒரு சந்தர்ப்பம் இது. எந்தவொரு நாட்டிலும் இல்லாதவாறு நாட்டை ஆள்கின்ற 225 ஆட்சியாளர்களும் வேண்டாம். எமக்கு இராணுவ ஆட்சியே வேண்டும் என மக்கள் தெரிவித்த நாடு எம்நாடு. இவ்வாறு நம்மை இந்த நிலைக்கு கொண்டுவந்தது எமது ஆட்சியாளார்கள்.

கல்வி, சுதந்திரம், விவசாயம், இளைஞர்களது எதிர்காலம் கேள்விக்குறியாகியுள்ளது. நாட்டு மக்களது எதிர்காலமே கேள்விக்குறியான நிலைக்கு எம்மை இந்த அரசியல்வாதிகள் தள்ளியுள்ளார்கள். இதனை நான் ஒரு அரசியல் பயங்கரவாதமாகப் பார்க்கின்றேன்.

எமது காணி, ஒற்றுமை, சமத்துவம், மதம் எல்லாவற்றையும் இவர்கள் உருக்குலைத்தார்கள். இதனால் அரசியல்வாதிகளும் ஒரு பயங்கரவாதிகளே, அவர்களிடமிருந்து இந்த நாட்டினை காப்பாற்றுவதற்காகவே நான் இந்த ஜனாதிபதித் தேர்தலில் களமிறங்கியுள்ளேன் – என்றார்.

Related posts

காலாவதியான உணவுப் பொருட்கள் மீட்பு!

reka sivalingam

மின்சாரசபை பல பில்லியனில் நஷ்டத்தை சந்திக்கும்- மஹிந்த

reka sivalingam

நான் அரசியல்வாதி அல்ல- முரளிதரன் தெரிவிப்பு

reka sivalingam