செய்திகள் பிரதான செய்தி மலையகம்

ஐயாயிரம் ரூபாய் வழங்க பாலியல் இலஞ்சம் கோரல்

மலையகத்தில் 5000 ரூபா சமுர்த்தி உதவி கொடுப்பனவு வழங்களில் இழுத்தடிப்புகளும், கழுத்தறுப்புகளும் தொடர்வதாக முன்னாள் நாடாளுமன்ற உறுப்பினர் அரவிந்தகுமார் தெரிவித்துள்ளார்.

பதுளையில் நேற்று (23) மாலை ஊடகங்களுக்கு கருத்து தெரிவித்த போதே அவர் இதனை தெரிவித்துள்ளார். மேலும்,

இந்த நிவாரண பணம் தம்மாலேயே வழங்கப்படுவதாக ஒரு சில மலையக அரசியல்வாதிகள் தம்பட்டம் அடித்து வருகின்றனர். நிவாரணம் பெறுவதற்கான விண்ணப்பபடிவங்கள் 25 ரூபா முதல் 100 ரூபா வரை விற்பனை செய்யப்படுகிறது.

அத்துடன் ஒரு சில இடங்களில் 5000 ரூபா கொடுப்பனவுக்காக பாலியல் ரீதியான இலஞ்சம் கோரப்படுவதாகவும் அவர் தெரிவித்துள்ளார்.

இவ்வாறான சூழலில் நிவாரணம் வழங்கும் செயற்பாடுகளில் பிரதேச அரசியல் வாதிகளை ஈடுபடுத்த வேண்டாம் என தேர்தல்கள் ஆணைக்குழு கூறியுள்ளதை வரவேற்பதாகவும் அவர் கூறியுள்ளார்.

இனியாவது எந்தவித பாகுபாடுகளும் இன்றி பெருந்தோட்ட மக்களுக்கு 5000 ரூபா கொடுப்பனவு வழங்கப்படும் என எதிர்பார்பதாகவும் அரவிந்தகுமார் மேலும் தெரிவித்துள்ளார்.

Related posts

காணாமல் ஆக்கப்பட்டோரை அடிமையாக விற்றுவிட்டனர் – இராஜ்குமார்

G. Pragas

யாழில் பாரதியின் பிறந்ததின விழா

Bavan

டெல்லி தப்லிக் ஜமாத் மாநாடு; 33 இலங்கையர் விசாக்கள் இரத்து!

Bavan