in , ,

சிங்கள மக்களை ஏமாற்ற புலிப்பூச்சாண்டி காட்டுவதை நிறுத்துங்கள்!

தென்னிலங்கை மக்களை சமாளிப்பதற்கு வடக்கில் புலி உருவாக்க புலிப் பூச்சாண்டி காட்டுவதை அரசாங்கம் நிறுத்த வேண்டும் என தமிழ்த் தேசியக் கட்சியின் செயலாளர் நாயகம் எம்.கே.சிவாஜிலிங்கம் தெரிவித்துள்ளார்.

நேற்றைய (19) ஊடக சந்திப்பில் இதனை தெரிவித்தார். மேலும்,

கோத்தாபய அரசாங்கம் பதவிக்கு வந்து, ஒன்றரை ஆண்டுகள் ஆகமுன்னரே மக்கள் மத்தியில் எதிர்ப்புகள் கிளம்பியுள்ளன. அதாவது பொருளாதார ரீதியாக, அரசியல் ரீதியாக, காடழித்தல், வேலையில்லா பிரச்சினை, தமிழர் இடங்களை தொல்பொருள் திணைக்களம் கையகப்படுத்துதல், முக்கிய இடங்களை பிற நாடுகளுக்கு விற்றல் போன்ற விடயங்கள் பல்வேறு மட்டங்களில் மக்கள் மத்தியில் அரசாங்கத்துக்கு எதிராக கருத்து முரண்பாடுகள் ஏற்பட்டுள்ளன.

அந்த எதிர்ப்புகளை சமாளிப்பதற்காக வட வகுதியில் குறிப்பாக யாழ்ப்பாண மாநகர முதல்வர் மணிவண்ணன் உட்பட ஊடகவியலாளர்கள் பொதுமக்கள் என வகைதொகையின்றி பயங்கரவாத தடைச்சட்டத்தின் கீழ் கைதுகள் இடம்பெற்று வருகின்றன.

இந்த கைதுகள் தென்பகுதியில் உள்ள எதிர்ப்பினை சமாளிப்பதற்காக இந்த அரசினால் முன்னெடுக்கப்படும் ஒரு நாடகமாகவே நாங்கள் பார்க்கின்றோம். இங்கே கோத்தாபய அரசானது புலிகள் மீள உருவாவதை கட்டுப்படுத்துகின்றது என்றும், இங்கே தமிழ்த் தேசிய உணர்வாளர்களை கட்டுப்படுத்துகிறது என்றும் சிங்கள மக்களுக்கு காண்பிப்பதற்காகவே இந்த செயற்பாடுகளை மும்மரமாக முன்னெடுத்து வருகின்றது.

இந்த செயற்பாட்டை நாங்கள் அனுமதிக்க முடியாது. சிங்கள மக்கள் எதிர்க்கிறார்கள் என்றால் அது அவர்களுடைய உரிமை. அந்த எதிர்ப்புகுரிய காரணத்தை கண்டறிந்து சரி செய்ய முன்வர வேண்டும். அதை விடுத்து வடக்கில் ஒரு புலிப் பூச்சாண்டியை காட்டி தமிழ் இளைஞர் யுவதிகள் கைது செய்வதை இந்த அரசாங்கம் நிறுத்த வேண்டும்.

அந்த கைதுகள் பயங்கரவாதத் தடைச் சட்டத்தின் கீழ் கைதுகளிடம் வருகின்றன. இதன் காரணமாக மூன்று மாதத்திற்கு மேலாக தடுத்து வைத்து விசாரிப்பார்கள். இதன்மூலம் கைதானவரின் குடும்ப நிலைமை, வாழ்வாதாரத்தை பாதிப்படைய செய்துள்ளது இந்த அரசாங்கம். – என்றார்.

அரசியல்வாதிகள் ஏட்டிக்கு போட்டியாக பேசுவதை நிறுத்த வேண்டும் – சிவாஜி

பகலில் மணல் கொண்டு செல்வதை நிறுத்த திட்டம்!