in , ,

தாமரைப்பூ பறிக்க சென்றவர் குளத்தில் மூழ்கி காணாமல் போனார்

மட்டக்களப்பு – வாழைச்சேனை பொலிஸ் பிரிவிலுள்ள ரிதிதென்னை ஜெயந்தியாய குளத்தில் தாமரைப்பூ பறிக்க தோணியில் சென்ற தோணி கவிழ்ந்ததில் நீரில் மூழ்கி ஒருவர் காணாமல் போயுள்ளதுடன் ஒருவர் காப்பாற்றப்பட்ட சம்பவம் இன்று (29) பகல் இடம்பெற்றுள்ளது.

திருப்பெருந்துறை 5ம் குறுக்கு வீதியைச் சேர்ந்த 3 பிள்ளைகளின் தந்தையான 34 வயதுடைய செல்வராசா சத்தியா என்பவரே இவ்வாறு குளத்தில் மூழ்கி காணாமால் போயுள்ளார்.

குறித்த பிரதேசத்தைச் சேர்ந்த அவருடைய நண்பன் எஸ்.சுமன் என்பவருடன் திருப்பெருந்துறை காளி கோவில் உற்சவத்திற்கு தமரைப்பூ பறிப்பதற்காக இன்று காலை 7 மணிக்கு வீட்டில் இருந்து வெளியே சென்று ரிதிதென்னை ஜெயந்தியாய குளத்தில் தோணி ஒன்றில் தமரைப்பூ பறிக்க குளத்தின் நடுப்பகுதிக்கு சென்ற நிலையில் தோணி கவிழ்ந்தததையடுத்து இருவரும் நீரில் மூழ்கிய நிலையில் சுமன் நீந்தி தப்பி கரைசேர்ந்துள்ளார்.

அதேவேளை நீரில் மூழ்கிய நண்பனை தேடியபோதும் அவர் காணாமல் போயுள்ளார். இதனையடுத்து சம்பவ இடத்திற்கு பொலிஸார் சென்று காணாமல் போனவரை தேடும் பணியில் ஈடுபட்டு வருகின்றனர். (150)

இலங்கை கிரிக்கெட்டின் புதிய உப தலைவராக தர்மதாச

யாழில் 33 கிலோ கஞ்சாவுடன் ஒருவர் கைது!