செய்திகள் விளையாட்டு

பாகிஸ்தான் அணியை வெள்ளையடிப்புச் செய்தது இலங்கை!

பயங்கரவாதத் தாக்குதல் இடம்பெற்று 10 ஆண்டுகளுக்கு பிறகு பாகிஸ்தானுக்கு கிரிக்கெட் சுற்றுப்பயணம் மேற்கொண்ட இலங்கை அணி அங்கு மூன்று ஒருநாள் மற்றும் ரி-20 போட்டிகளை கொண்ட தொடர்களில் மோதியிருந்தது.

ஒருநாள் தொடரை பாகிஸ்தான் அணி 2-0 என்று கைப்பற்றியிருந்தது. இந்நிலையில் ரி-20 தொடரை இலங்கை அணி 3-0 என்று வெள்ளையடிப்புச் செய்து கைப்பற்றி அசத்தியுள்ளது.

இந்த ரி-20 தொடரின் மூன்றாவதும் இறுதியுமான போட்டியில் இன்று (09) இலங்கை அணி முதலில் ஆடி 20 ஓவர்களில் 7 விக்கெட்களை இழந்து 147 ஓட்டங்களை பெற்றிருந்தது. இதனை விரட்டிய பாகிஸ்தான் அணி 20 ஓவர்களில் 6 விக்கெட்களை இழந்து 134 ஓட்டங்களை மட்டுமே பெற்று தோல்வியயடைந்தது.

இப்போட்டியில் இலங்கை அணி சார்பில் துடுப்பாட்டத்தில் அதிரடியாக அரை சதம் கடந்த ஒசத பெர்னாண்டோ (78*) ஓட்டங்களை பெற்றார். பந்துவீச்சில் வனிது ஹசரங்க (21/3) விக்கெட்களை வீழ்த்தினார்.

பாகிஸ்தான் அணி சார்பில் துடுப்பாட்டத்தில் ஹரிஸ் சொஹைல் (52) ஓட்டங்களை பெற்றார். பந்துவீச்சில் மொஹமட் ஆமிர் (27/3) விக்கெட்களை வீழ்த்தினார்.

ரி-20 அரங்கில் முதலிடத்தில் இருந்த பாகிஸ்தான் அணியை முன்னணி வீரர்கள் அற்ற நிலையில் இலங்கை அணி கைப்பற்றியிருக்கின்றது. அத்துடன், முதல்முறையாக ரி-20 அரங்கில் வெள்ளையடிப்பு முறையில் ரி-20 தொடரை கைப்பற்றிய முதல் தொடராக இது மாறியுள்ளமை குறிப்பிடத்தக்கது.

Related posts

ஹிருணிகா வழக்கு மார்ச் மாதம் வரை ஒத்திவைப்பு

Tharani

வறிய மக்களுக்கு வீடுகள் அமைத்து கொடுப்பதே ஜனாதிபதியின் திட்டம்!

G. Pragas

இஸ்ரேல் ஏவுகணைகளை தாக்கியழித்த சிரியா

Tharani

Leave a Comment