in ,

பொருளாதார – சமூக மற்றும் கலாசார உரிமைகள் | மனித உரிமைகள் தின சிறப்பு கட்டுரை

பொருளாதார, சமூக கலாச்சார உரிமைகள் எங்களுடைய மனித உரிமையாகும். இது இரண்டாம் தலைமுறை உரிமைகள் என்று வர்ணிக்கப்படாலும் அவை பல நூற்றாண்டுகளாக அங்கீகரிக்கப்பட்டவையாகும். 18ம் நூறாண்டின் இறுதியில் நிறைவேற்றப்பட்ட பிரான்ஸ் மற்றும் அமெரிக்க நாடுகளின் தேசிய மனித உரிமை சட்டங்கள் “மனிதர்களின் சந்திச்சமான வாழ்வு, சமத்துவம், சகோதரத்துவம், தொழிற்சங்கங்களை ஏற்படுத்திக் கொள்வதற்கான உரிமை, கூட்டு பேரம் பேசுதல் மற்றும் பாதுகாப்பான தொழிற்தளம்” போன்ற கோட்பாடுகளை உள்ளடக்கியுள்ளன. முதலாவது உலக மனித உரிமை நிறுவனமான சர்வதேச தொழிலாளர் நிறுவனம் (ILO) தொழிளார்களின் உரிமைகளை பாதுகாப்பதிலும் 1919ம் ஆண்டில் இருந்து தொழிற்பட்டுவருகின்றது.

மனித உரிமைகளுக்கான சர்வதேச பிரகடணம் மனித குடும்பத்தை சேர்ந்த சகலரினதும் உள்ளார்ந்த கௌரவத்தையும் சமமானதும் பறிக்கமுடியாததுமான உரிமைகளையும் அங்கீகரித்தலுமே உலகத்தில் சுதந்திரம், நீதி, சமாதானம் என்பவற்றுக்கு அடிப்படையாக அமைகின்றதென வலியுறுத்தியுள்ளது இப்பிரகடனம். சிவில் மற்றும் அரசியல் உரிமைகளுக்கு சமாந்தரமாக பொருளாதார, சமூக மற்றும் கலாச்சார உரிமைகளை நிலைநிறுத்தியுள்ளது.

அவற்றில் பின்வருவன அடங்கும்,

தொழில் செய்வதற்கான உரிமையும், தொழிலார்களின் உரிமையும். தூய்மையான குடிநீருக்கான உரிமை. சுசுகாதாரமான வாழ்விற்கான உரிமை. சமூக காப்புறுதிக்கான உரிமை. சிறுபான்மையிருக்கான உரிமை. பெண்கள், சிறுவர்களுக்கான உரிமை. குடியிருப்புக்கான உரிமை. உணவிற்கான, கல்வி கற்பதற்கான உரிமை. போதுமான தூய்மையான – சுகாதாரத்துடனான சுற்று சூழலுக்கான உரிமை. கலாச்சார உரிமை.

1948 முதல் 1966ம் ஆண்டு வரையான காலகட்டத்தில் மனித உரிமை பிரகடனத்தை சர்வதேச சட்டத்துடன் ஒன்றிணைத்து கடமைப்பாடுடைய ஓர் சர்வதேச உடன்படிக்கையாக மாற்றி கொள்வதற்கு சர்வதேச சமூகம் பாடுபட்டு வந்துள்ளது. இறுதியில் அக்காலகட்டத்தில் நிலவிய ஆழமான கருத்தியல் பிளவுகள் காரணமாக பொருளாதார, சமூக மற்றும் கலாச்சார உரிமை என ஒரு ஆவணமாகவும் சிவில் மற்றும் அரசியல் உரிமை என மற்றோரு ஆவணமாகவும் இரு வெவ்வேறு உடன்படிக்கைகளை நிறைவேற்றிக்கொள்ள வேண்டிய நிலைமை ஏற்பட்டது இவ் இரு உடன்படிக்கைகள் தொடர்பாகவும் ஒன்றுக்கொன்று மாறுபட்ட அணுகுமுறை மேற்கொள்ளப்பட்டது.

சிவில் மற்றும் அரசியல் உரிமைகள் தொடர்பாக அவற்றை கௌரவித்து நடிப்பதோடு அவற்றை உறுதி செய்யும்படி அரசாங்கங்கள் பணிக்கப்பட்டன. ஆனால் பொருளாதார, சமூக மற்றும் கலாச்சார உரிமைகள் தொடர்பாக அவ் உரிமைகளை முழுமையாக நடைமுறைப்படுத்துவதில் முன்னேற்றகரமான நிலையை அடையும்படி அரசாங்கங்கள் வேண்டப்பட்டன. எனினும் இவ் இரு உடன்படிக்கை தொடர்பாகவும் உடனடி பொறுப்புகள் மற்றும் இவ் உரிமைகளை முன்னேற்றகரமான வகையில் நடைமுறைப்படுத்திடுவதற்கான பொறுப்புகள் தொடர்பாகவும் வலியுறுத்தப்பட்டன. இவ் இரு உடன்படிக்கைகளிலும் இலங்கை உட்பட 150 க்கு மேற்பட்ட நாடுகள் கைச்சாத்திட்டுள்ளன. இந்த உடன்படிக்கையானது பொருளாதார, சமூக மற்றும் கலாச்சார உரிமைகள் தொடர்பாக மிகவும் பூரணமான சர்வதேச ஆவணமாக திகழ்கின்றது.

சர்வதேச சட்டத்திற்கு அமைவாக அரசாங்கத்தின் பொறுப்புக்கள்.

பொருளாதார, சமூக மற்றும் கலாச்சார உரிமைகள் தொடர்பான சர்வதேச உடன்படிக்கையானது சர்வ வியாபகத்தன்மை கொண்டதாக இருப்பினும் அவை ஒவ்வொரு நாட்டிலும் காணப்படும் வளங்களின் அடிப்படையில் தான் நடைமுறைப்படுத்தப்படுகின்றன.

எல்லா மனித உரிமைகளையும் நாடு மக்கள் அனுபவிக்க கூடியவாறு உறுதி செய்யும் அரசின் பொறுப்புக்கள் மூன்று வகைப்படும்.
1. உரிமைகளை கௌரவித்தல், மக்கள் மனித உரிமைகளை அனுபவிப்பதில் தலையிடாதிருத்தல்.
2. உரிமைகளை பாதுகாத்தல், வலுவான சட்டங்கள், நிர்வாக நடைமுறைகள் மற்றும் மீளலுக்கெதிரான நடவடிக்கைகள் மூலம் மக்களின் உரிமைகளை அனுபவிக்க ஏனையவர்கள் தலையிடாதிருப்பதை உறுதிசெய்தல்.
3. உரிமைகளை நடைமுறைப்படுத்தல், மக்கள் உரிமைகளை பூரணமாக அனுபவிக்க கூடிய வகையில் உரிமைகளை அபிவிருத்தி செய்தல், உரிமைகளை பயன்படுத்துவதற்கு ஏதுவான வகையில் நடந்து கொள்ளல், உரிமைகளை அனுபவிக்க முடியாத மக்கள் குழுக்களிற்கு (சிறுபான்மையினர், பெண்கள், சிறுவர்கள், மாற்றுத்திறனாளிகள், ஆதிவாசிகள்) உதவுவதன் மூலம் எல்லோரும் எல்லா உரிமைகளையும் அனுபவிக்கும் நிலையை ஏற்படுத்துதல்.

பொருளாதார, சமூக மற்றும் கலாச்சர உரிமைகள் வெறும் எதிர்பார்ப்புகள் மட்டுமோ அல்லது காலம் கடந்து அடைய வேண்டிய இலக்குகளோ அல்ல. சர்வதேச சட்டங்களின் அடிப்படையில், அரசுக்கு உடனடி மற்றும் நீண்டகால பொறுப்புக்கள் இருக்கின்றன. அரசாங்கமானது அபிவிருத்தியின் கட்ட்ங்கள் எதுவாயினும் இவ் உரிமைகளை முழுமையாக உறுதி செய்வதற்கான நடவடிக்கைகளை மேற்கொள்ளல் வேண்டும். இவ் நடவடிக்கையில் சட்டங்களையும் அரசு கொள்கைகளையும் மீளாய்வு செய்து மனித உரிமை கொள்கைகளுக்கு அனுகூலமாக மாற்றிக்கொள்வதும் அவசியமாகும். அரசாங்கம் இவ் உரிமைகள் தொடர்பாக நேரடியாகவோ மறைமுகமாகவோ எவ்வித பாகுபாடுகளும் ஏற்படாதிருத்தலை உறுதி செய்துகொள்ளல் வேண்டும்.

சர்வதேச சமூகம் எல்லா மனித உரிமைகளும் சர்வ வியாபகத்தன்மை கொண்டவை. மேலும் பாகுபாடுபடுத்த முடியாதவை. மனித கௌரவமானது எல்லா மக்களினதும் எல்லா உரிமைகளையும் பாதுகாக்கப்படுவதன் மூலமே அடைய முடியும். மக்கள் சுய கௌரவத்துடன் வாழ்வதை உறுதி செய்வதைவிட முன்னுரிமை வழங்கப்பட வேண்டிய விடயங்கள் எதுவுமில்லை.

ராகுலன் உதயநாயகி கந்தசாமி
(வட மாகாண இணைப்பாளர்,
உணவை பிரதானமாக கொண்ட
தகவல் மற்றும் நடவடிக்கைக்கான
இலங்கை வலைப்பின்னல்)

காணாமல் ஆக்கப்பட்டோருக்காக இன்று யாழில் போராட்டம்!

பாலமுனையில் பொலிஸ் கான்ஸ்டபிள் கொலை!