கிழக்கு மாகாணம் செய்திகள் பிரதான செய்தி

மட்டக்களப்பில் டிஜிற்றல் வரலாற்று ஆவண முறைமை

மட்டக்களப்பு மாவட்டத்தில் எதிர்கால சந்ததியினரின் நன்மை கருதி மரபுரிமை ஆவணங்களை டிஜிற்றல் நவீன தொழிநுட்ப முறையில் ஆவணப்படுத்தும் நடவடிக்கையினை மட்டக்களப்பு மாவட்டச் செயலக நூலகம் பௌண்டேசன் மட்டக்களப்பு கிளையின் அனுசரணையில் மேற்கொண்டு வருவதாக அதிகாரிகள் தெரிவித்தனர்.

இதன்படி மட்டக்களப்பு மாவட்ட கலாசார கூடத்தில் கொலனித்துவ ஆட்சியாளர் காலத்திலிருந்து சேகரிக்கப்பட்ட மரபுரிமை ஆவணங்களான வரலாற்றுச் சாதனங்கள் ஏடுகள் பண்டைய தொன்மை ஆவணங்கள் மென் பிரதியில் பதிவேற்றம் செய்யும் நடவடிக்கை மேற்கொள்ளப்பட்டு வருகின்றது.

ஆவணம் செய்யப்பட்ட பிரதிகள் இன்று (25) மாவட்ட செயலகத்தில் நடைபெற்ற நிகழ்வின்போது மட்டக்களப்பு மாவட்டச் செயலாளர் கலாமதி பத்மராஜாவிடம் கையளிக்கப்பட்டன.

நூலகம் பௌண்டேசன் நிறுவனத்தின் மட்டக்களப்பு கிளைப் பணிப்பாளர் சொக்கலிங்கம் பிரசாத் இதனைக் கையளித்தார்.

இந்நிகழ்வில் கருத்துத் தெரிவித்த மாவட்டச் செயலாளர் கலாமதி, எதிர்கால சந்ததியினர் எமது பண்டைய காலத்து வரலாறுகளை அறிந்து கொள்வதற்கு இந்த நடவடிக்கை மிகவும் பயனுள்ளது.

இதனை செயல்படுத்த முன்வந்த ஆர்வலர்களுக்கும் வெளிநாடுகளிலிருந்து நிதி உதவி செய்பவர்களுக்கும் எனது நன்றிகளையும் பாராட்டுக்களையும் தெரிவித்துக் கொள்கின்றேன்.

நமது கலாசார முறைகள் ஏனைய ஆக்கங்கங்கள் டிஜிடல் கட்டமைப்பில் ஆவணப்படுத்த வேண்டியது மிகவும் அவசியமானது என்றார்.

Related posts

மழைக் காலத்தில் மரக்கறி விலையேற்றம் வேடிக்கையானது- கோத்தா

கதிர்

அனர்த்த மீட்பு தோணிக்கு நடந்தது என்ன?

G. Pragas

எம்சிசி தலைமைப் பதவியை பொறுப்பேற்றார் சங்கா

G. Pragas