செய்திகள் பிராதான செய்தி

யுத்தத்தின் மூன்று கட்டங்களை நானே வெற்றி கொண்டேன் – சந்திரிகா

யுத்தத்தின் மூன்று பகுதிகளை நானே நிறைவு செய்தேன். யுத்தத்தை முழுமையாக நிறைவு செய்வதற்கு சிறிதளவு காலமே எனக்கு தேவைப்பட்டிருந்தது என்று முன்னாள் ஜனாதிபதி சந்திரிகா குமாரதுங்க தெரிவித்தார்.

ஸ்ரீலங்கா சுதந்திரக் கட்சியை பாதுகாக்கும் அமைப்பினால் கொழும்பு, சுகததாச உள்ளக அரங்கில் இன்று (05) நடத்தப்பட்ட மாநாட்டில் பங்கேற்று உரையாற்றுகையில் அவர் இதனைக் குறிப்பிட்டார். மேலும்,

எமது கட்சியை துண்டு துண்டாக்கிவிட்டனர். கட்சியின் பாதுகாவலராக நான் இருந்தாலும், கட்சியின் செயற்பாடுகளுடன் என்னை இணைத்துக்கொள்ளவில்லை.

கட்சியின் தற்போதையை தலைவரே ஜனாதிபதி தேர்தலில் போட்டியிட வேண்டும் என, கட்சியின் நூற்றுக்கு 95 சதவீதமானவர்கள் கூறினார்கள்.

கட்சியின் பெரும்பான்மையானவர்களின் கருத்தினை நிராகரித்து, செயலாளர் உள்ளிட்ட ஒருசிலர் ஸ்ரீ லங்கா பொதுஜன பெரமுனவுடன் இணைந்தனர்.

கட்சி என்பது நாட்டை பாதுகாக்க வேண்டும். எனது கருத்து என்னவென்றால், இவ்வாறான சந்தர்ப்பத்தில் நபர்களை சிந்திப்பதைவிட கொள்கைகளை பற்றியும் சிந்திக்க வேண்டும்.

2015ஆம் ஆண்டு அந்தவிதத்தில் தான் நான் தீர்மானம் மேற்கொண்டேன். நாட்டை கட்டியெழுப்ப முடியும் என்பதால் அந்த தீர்மானத்துக்கு வந்தேன். இரண்டு இரண்டு பிரதான வேட்பாளர்கள் உள்ளனர்.

நான் யுத்தத்தின் மூன்று கட்டங்களை நிறைவு செய்தேன். நான் தருவித்த ஆயுதங்களை கொண்டே யுத்தம் செய்தனர் – என்றார்.

Related posts

எமது ஆட்சியில் ஒரே நீதி! – கோத்தாபய

G. Pragas

பயண எச்சரிக்கை விடுத்துள்ளது ஐக்கிய அரபு இராச்சியம்

G. Pragas

கோத்தா உள்ளிட்ட எண்மரை கொழும்பு மேல் நீதிமன்றமும் விடுவித்தது

G. Pragas

Leave a Comment