கிழக்கு மாகாணம் செய்திகள் பிரதான செய்தி

ஹம்றா வித்தியாலயத்தின் இல்ல விளையாட்டுப் போட்டி

வாழைச்சேனை – செம்மண்ணோடை அல் ஹம்றா வித்தியாலயத்தின் 7வது இல்ல விளையாட்டுப் போட்டியின் இறுதி நிகழ்வு பாடசாலை மைதானத்தில் நடைபெற்றது.

பாடசாலையின் அதிபர் எம்.எஸ்.சுபைதீன் தலைமையில் நடைபெற்ற இந்நிகழ்வில் பிரதம அதிதியாக நாடாளுமன்ற உறுப்பினர் எம்.எஸ்.எஸ்.அமீர் அலி கலந்து கொண்டதுடன், அதிதிகளாக மட்டக்களப்பு மத்தி கல்வி வலய உதவிக் கல்விப் பணிப்பாளர்களான எம்.எஸ்.கே.றகுமான், எம்.யூ.எம்.இஸ்மாயில் மற்றும் முன்னாள் கிழக்கு மாகாண சபை உறுப்பினர் எஸ்.ஜவாஹிர் சாலி, ஆசிரிய ஆலோசகர்கள், பிரதேச பாடசாலைகளின் அதிபர்கள் ஆகியோர் கலந்து கொண்டனர்.

இறுதிநாள் நிகழ்வில் அணிநடை வகுப்பு, உடற்பயிற்சிக் கண்காட்சி, கயிறு இழுத்தல், அஞ்சலோட்டம் போன்ற நிகழ்ச்சிகள் நடைபெற்றன.

இதில் மர்வா இல்லம் 322 புள்ளிகளை பெற்று முதலாம் இடமும், ஹிரா இல்லம் 298 புள்ளிகளை பெற்று இரண்டாம் இடமும்;, சபா இல்லம் 247 புள்ளிகளை பெற்று மூன்றாம் இடங்களையும் பெற்றுக் கொண்டனர். வெற்றி பெற்ற வீரர்களுக்கும், அணிகளுக்கும், அதிதிகளால் கிண்ணங்களும், சான்றிதழ்களும் வழங்கி வைக்கப்பட்டன.

அத்தோடு 2013ம் ஆண்டு முதல் இதுவரை காலமும் பாடசாலையின் கல்வி மற்றும் புறக்கீர்த்திய செயற்பாடுகளுக்கு பக்க பலமாக செயற்பட்ட பாடசாலை அதிபர் எம்.எஸ்.சுபைதீன் பாடசாலை அபிவிருத்திக் குழுவினால் பொன்னாடை போர்த்தி நினைவுச் சின்னம் வழங்கிக் கௌரவிக்கப்பட்டார்.

அதனைத் தொடர்ந்து நாடாளுமன்ற உறுப்பினர் எம்.எஸ்.எஸ்.அமீர் அலி அவர்களும் பாடசாலைக்குச் செய்த பல்வேறு பங்களிப்புகளுக்காக பொன்னாடை போர்த்தி நினைவுச்சின்னம் வழங்கி கௌரவிக்கப்பட்டார். (150)

Related posts

அரசியலமைப்பு பேரவை 23 இல் கூடுகிறது

Tharani

10,800 சிகரெட்டுகளுடன் இலங்கையர் கைது!

Tharani

முடிவுகள் எட்டப்படாமல் முடிந்தது யானைக் கூட்டம்.

Bavan

Leave a Comment