கிளிநொச்சி செய்திகள் பிராதான செய்தி

முன்னாள் போராளி, மனைவி, சகோதரி கைது! ஆயுதங்கள் மீட்பு!

கிளிநொச்சி – அம்பாள்குளம் பகுதியில் ஆயுதங்கள் உட்பட பெருமளவான இராணுவ உபகரணங்கள் கைப்பற்றப்பட்டுள்ளது.

நேற்று (11) கைது செய்யப்பட்ட முன்னாள் போராளியான ஜோசப் பீட்டர் ரொபின்சன் (36-வயது) என்ற சந்தேகநபரின் வீட்டில் இருந்தே குறித்த ஆயுதங்கள் இன்று (12) கைப்பற்றப்பட்டது என்று பொலிஸ் தலைமையகம் அறிவித்துள்ளது.

அத்துடன் குறித்த முன்னாள் போராளியின் மனைவி (28-வயது) மற்றும் சகோதரி (23-வயது) ஆகியோரும் கைது செய்யப்பட்டுளளனர்.

இந்த மீட்பு நடவடிக்கையை விசேட அதிரடிப் படையினரும், பொலிஸாரும் இணைந்து மேற்கொண்டுள்ளனர்.

இதன்போது, ரி-56 ரக துப்பாக்கி-1, பிஸ்டல்கள் -3, கைக்குண்டுகள் -5, ரி-56 ரக துப்பாக்கி ரவைகள் 150, பிஸ்டல் ரவைகள் 45, மடிக்கணினி ஒன்று, தொலைபேசிகள் -4, எம்.ரி.எம்.ரி ரக துப்பாக்கி ரவைகள் 7, டேட்டனேற்றர்கள் 45, ஜி.பி.எஸ்-1, டிஜிட்டல் கமெரா, சிறிய ரிமோட் வகைகள், குண்டுகளை வெடிக்க வைக்கப் பயன்படுத்தப்படும் வயர்கள், வெடிப்புக் கருவிகள், புலிகளின் தலைவர் பிராபகரன் உள்ள ரி-சேர்ட் உட்பட இன்னும் பல உபகரணங்கள் கைப்பற்றப்பட்டுள்ளன.

Related posts

35 பேரின் வேட்பு மனுக்கள் ஏற்றுக் கொள்ளப்பட்டது.

G. Pragas

மாலித் தாக்குதலில் 25 இராணுவ வீரர்கள் பலி! 60 பேரை காணவில்லை!

G. Pragas

சூரியை வைத்து படம் எடுக்கிறார் அசுரன் வெற்றிமாறன்

G. Pragas

Leave a Comment