ஆள் கடத்தலுக்கு எதிராக சட்டம் நடைமுறைக்கு வரும்!

கொழும்பு 2 மாதம் முன்

(புதியவன்)

ஆள் கடத்தலில் ஈடுபடும் நபர்களுக்கு எதிராக தராதரம் பாராமல் சட்ட நடவடிக்கை எடுக்கப்படும் என பாதுகாப்பு இராஜாங்க அமைச்சர் பிரமித்த பண்டார தென்னகோன் வலியுறுத்தியுள்ளார்.

ரஷ்யா - உக்ரைன் போருக்கு ஓய்வுபெற்ற இராணுவத்தினரை கூலிப்படையாக பயன்படுத்தி ஆள் கடத்தலில் ஈடுபட்டதாக சந்தேகத்தில் ஓய்வுபெற்ற மூத்த இராணுவ அதிகாரி உட்பட மேலும் சில சந்தேக நபர்கள் கைது செய்யப்பட்டுள்ளதாகவும் அவர்களுக்கு எதிராக சட்ட நடவடிக்கை எடுக்கப்பட்டுள்ளதாகவும் இராஜாங்க அமைச்சர் தெரிவித்தார்.

அரச தலைவர் ஊடக மையத்தில் இன்று (15) நடைபெற்ற ஊடகவியலாளர் சந்திப்பிலேயே இராஜாங்க அமைச்சர் பிரமித்த பண்டார தென்னகோன் இதனைத் தெரிவித்தார்.

அவர் அங்கு மேலும் தெரிவித்ததாவது,,

“ரஷ்யா - உக்ரைன் போருடன் தொடர்புபட்டுள்ள இலங்கையின் ஓய்வு பெற்ற இராணுவத்தினர் தொடர்பில் அரசாங்கம் சிறப்புக் கவனம் செலுத்தியுள்ளது. கடந்த பாதுகாப்புச் சபைக் கூட்டத்தில் இவ்விடயம் குறித்து அரச தலைவர் ரணில் விக்ரமசிங்க உள்ளிட்ட பாதுகாப்புப் பிரதானிகளின் கவனத்துக்குக் கொண்டுவரப்பட்டது.

சுமார் 288 ஆள் கடத்தல் முறைப்பாடுகள் கிடைத்துள்ளதாகவும், இந்த ஆள் கடத்தல் தொடர்பில் மேலதிக தகவல்கள் தெரிந்தால் 0112 401 146 என்ற தொலைபேசி இலக்கத்துக்கு அறிவிக்குமாறு கோருகிறோம் - என்றார். (ஏ)

168 0