இலங்கை மற்றும் நியூசிலாந்து அணிகளுக்கிடையிலான மூன்று போட்டிகள் கொண்ட ஒருநாள் தொடரின் முதல் போட்டியானது இன்று புதன்கிழமை(13) மதியம் 2.30மணிக்கு தம்புள்ளை, ரங்கிரி மைதானத்தில் ஆரம்பமாகவுள்ளது.
முன்னதாக இரண்டு போட்டிகள் கொண்ட ரி-20 தொடரானது 1:1 என்ற கணக்கில் சமனிலையில் முடிந்த நிலையில், இரு அணிகளும் ஒருநாள் தொடரில் தங்களின் பலத்தை வெளிப்படுத்த இதுவே சந்தர்ப்பமாகும்.
நியூசிலாந்து எதிர்வரும் 2025 சம்பியன்ஸ் டிராபிக்கு தங்கள் அணியை தயார்படுத்துவதற்கான ஒரு முன்னோட்டமாக இந்த ஆட்டத்தை எதிர்பார்ப்பதாகவும் அதேநேரம் 2023 ஒருநாள் உலகக் கிண்ணத் தொடரில் ஒன்பதாவது இடத்தை பிடித்த இலங்கை, எட்டு அணிகள் பங்கெடுக்கும் சம்பியன் டிராபியில் விளையாடும் தகுதியை இழந்து நிலையில் இந்த ஆட்டத்தை எதிர்கொள்கிறது.
இதன்படி, இரண்டாவது ரி-20 போட்டியின் போது ஏற்பட்ட காயங்கள் காரணமாக நியூஸிலாந்து வீரர் லாக்கி பெர்குசனும், இலங்கை நட்சத்திர வீரரான வனிந்து ஹசரங்கவும் ஒருநாள் தொடரிலிருந்து விலகியுள்ளமை குறிப்பிடத்தக்கது. (ச)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.
