லண்டன் ஓவல் மைதானத்தில் இங்கிலாந்துக்கு எதிரான டெஸ்ட் வெற்றியைத் தொடர்ந்து ஆறு இலங்கை வீரர்கள், ஐ.சி.சி ஆடவர் டெஸ்ட் தரவரிசையில் முன்னேற்றடைந்துள்ளதாக தெரிவிக்கப்பட்டுள்ளது.
இலங்கை அணி அண்மையில் முடிவடைந்த டெஸ்ட் தொடரின் மூன்றாவது போட்டியில் இங்கிலாந்துக்கு எதிரான முதல் வெற்றியை பெற்றிருந்தது.
இந்த வெற்றியின் பின்னர் அணித் தலைவர் தனஞ்சய டி சில்வா, நடுத்தர வரிசை வீரர் கமிந்து மெண்டிஸ் மற்றும் தொடக்க ஆட்டக்காரர் பாத்தும் நிஸ்ஸங்க ஆகியோர் ஐ.சி.சி டெஸ்ட் தரவரிசையில் முன்னேறியுள்ளனர்.
மூன்றாவது டெஸ்ட் போட்டியின் முதல் இன்னிங்ஸில் 69 ஓட்டங்களுடன் இலங்கை அணிக்காக அதிக ஓட்டங்களை பெற்ற தனஞ்சய டி சில்வா, மூன்று இடங்கள் முன்னேறி தரவரிசையில் 13 ஆவது இடத்துக்கு முன்னேறியுள்ளனர்.
மேலும், மூன்றாவது டெஸ்ட்டின் முதல் இன்னிங்ஸில் 64 ஓட்டங்களையும், இரண்டாவது இன்னிங்ஸில் 127 ஓட்டங்களையும் ஆட்டமிழக்காது பெற்ற இலங்கையின் ஆரம்ப துடுப்பாட்ட வீரர் பத்தும் நிஸங்க 42 ஆவது இடத்திலிருந்து 39 ஆவது இடத்துக்கும் கமிந்து மெண்டீஸ் 6 இடங்கள் முன்னேறி 19 ஆவது இடத்துக்கும் முன்னேறியுள்ளனர். (ச)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.
