பொதுத்தேர்தலுக்கான வாக்குப் பெட்டிகள் இன்று மாலை மாவட்டத் தேர்தல் அலுவலகங்களில் இருந்து உரிய வாக்குச் சாவடிகளுக்கு பகிர்ந்தளிக்கப்பட உள்ளதாக தெரிவிக்கப்படுகின்றது. தேர்தலை முன்னிட்டு நாடு முழுவதும் 13ஆயிரத்து421வாக்கு சாவடிகள் அமைக்கப்பட்டுள்ளன.
இன்று பிற்பகல் 3 மணியின் பின்னர் மாவட்ட தேர்தல் அலுவலகங்களில் இருந்து உரிய வாக்குச் சாவடிகளுக்கு பொலிஸ் பாதுகாப்புடன் வாக்குப் பெட்டிகள் கொண்டுசெல்லப்படவுள்ளன.
வாக்குச் சாவடிகளாக பயன்படுத்தப்படும் அனைத்து பொது இடங்களும் நேற்று முதல் மாவட்ட தேர்தல் அலுவலகம் மற்றும் உரிய பொலிஸ் பிரிவின் கட்டுப்பாட்டுக்குள் கொண்டுவரப்பட்டுள்ளது.
வாக்குப் பெட்டிகள் வாக்குச் சாவடிக்கு கொண்டுவரப்பட்ட பின்னர் வாக்குச் சாவடிகளின் பாதுகாப்பை உறுதிப்படுத்த பொலிஸார் விசேட பொறிமுறையொன்றை வகுத்துள்ளனர்.
கடந்த ஜனாதிபதித் தேர்தலில் பயன்படுத்தப்பட்ட வாக்குப் பெட்டிகளிலேயே பொதுத் தேர்தலிலும் பயன்படுத்தப்படுகிறது. மொத்தமாக 15ஆயிரம் வரையான வாக்குக் பெட்டிகள் பயன்படுத்தப்பட உள்ளதாக தேர்தல்கள் ஆணைக்குழு தெரிவித்துள்ளமை சுட்டிக்காட்டத்தக்கது. (ச)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.
