மீண்டெழுந்தது மும்பை; மண்டியிட்டது டெல்லி!

ஐ.பி .எல் . தொடரின் 29ஆவது லீக் ஆட்டத்தில் மும்பை இந்தியன்ஸ் அணி 12 ஓட்டங்களால் டெல்லி கெப்பிட்டல் அணியை வீழ்த்தியது.

அருண் ஜெட்லி மைதானத்தில் நேற்று நடந்த ஆட்டத்தில் நாணயச் சுழற்சியில் வெற்றிபெற்ற டெல்லி கெப்பிட்டல் அணி களத்தடுப்பைத் தெரிவு செய்தது.

முதலில் துடுப்பெடுத்தாடிய மும்பை இந்தியன்ஸ் அணி 20பந்துப்பரிமாற்றங்களில் 5 இலக்குகளை இழந்து 205 ஓட்டங்களைப் பெற்றது. ரோஹித் சர்மா 18 ஓட்டங்களையும், ரியான் ரிக்கல்டன் 41 ஓட்டங்களையும், சூரியகுமார் யாதவ் 40 ஓட்டங்களையும், திலக் வர்மா 59 ஓட்டங்களையும், நமன்தீர் 38 ஓட்டங்களையும் எடுத்தனர். டெல்லி அணி சார்பாக பந்துவீச்சில் குல்திப் யாதவ் மற்றும் விப்ராஜ் நிகம் ஆகியோர் தலா இரண்டு இலக்குகளைக் கைப்பற்றினர்.

பதிலுக்குத் துடுப்பெடுத்தாடிய டெல்லி அணி ஆரம்பத் தில் அதிரடியாக ஆடினாலும் பின்னர் சீரான இடைவெளியில் விக்கெட்டுக்களை இழந்தது. அபிசேக் போரல் 33 ஓட்டங்களையும், கருண் நாயர் 89 ஓட்டங்களையும், கே.எல்.ராகுல் 15 ஓட்டங்களையும், அக்சர் பட்டேல் 15 ஓட்டங்களையும, அவ்சோத் சர்மா 17 ஓட்டங்களையும் பெற்றனர். 19 பந்துப்பரிமாற்றங்கள் நிறைவில் டெல்லி அணி அனைத்து விக்கெட்டுக்களையும் இழந்து 193 ஓட்டங்களை மட்டுமே பெற்றது. மும்பை அணி சார்பாகப் பந்துவீச்சில் தீபக் சஹார் மற்றும் பும்ரா ஆகியோர் தலா ஒரு விக்கெட்டையும், மிட்செல் சாண்டர் இரு விக்கெட்டுக்களையும், கார்ன் ஷர்மா 3 விக்கெட்டுக்களையும் கைப்பற்றினர்.

தொடர் தோல்விகளால் துவண்டிருந்த மும்பை இந்தி யன்ஸ் அணி இந்த வெற்றியுடன் புள்ளிப்பட்டியலில் 7 ஆவது இடத்துக்கு முன்னேறியுள்ளது.

81 0