வவுனியாவில் இடம்பெற்ற தமிழ் பொதுவேட்பாளருக்கு ஆதரவான பொதுக்கூட்டத்தை ஐரோப்பிய ஒன்றிய தேர்தல் கண்காணிப்பு குழுவினர் நேரடியாக பிரசன்னமாகி கண்காணிப்பில் ஈடுபட்டிருந்தனர்.
வவுனியா, குருமன்காடு கலைமகள் விளையாட்டு மைதானத்தில் இன்று (08) ஞாயிறு மாலை இடம்பெற்ற தமிழ் பொது வேட்பாளர் பா.அரியநேந்திரனுக்கு ஆதரவாக இடம்பெற்றிருந்த தேர்தல் பிரச்சார பொதுக் கூட்டத்திற்கு ஐரோப்பிய ஒன்றிய தேர்தல் கண்காணிப்பு குழுவினர் வருகை தந்து கண்காணித்து இருந்தனர்.
இதன்போது தேர்தல் பிரச்சார செயற்பாடுகள் மற்றும் கலந்து கொண்ட மக்களுடைய செயல்பாடுகள் தொடர்பிலும் அவதானம் செலுத்தி இருந்தார்கள். அத்துடன், கூட்டத்தில் கலந்து கொண்ட ஊடகவியலாளர்களுடனும் கலந்துரையாடி கூட்டம் தொடர்பில் தகவல்களைப் பெற்றுக் கொண்டனர்.
அவர்கள் புகைப்படங்களையும் எடுத்துக் கொண்டதுடன் தேர்தல் பிரச்சாரக் கூட்டத்தில் அரசியல்வாதிகளாலும், ஜனாதிபதி வேட்பாளராலும் வழங்கப்பட்ட வாக்குறுதிகள் தொடர்பிலும் அவர்கள் குறிப்புக்களை எடுத்துக் கொண்டதையும் அவதானிக்க கூடியதாக இருந்தது. (ப)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.
