இயக்குனர் சமுத்திரக்கனிக்கு தெலுங்கில் அதிக பட வாய்ப்புகள் வருவதாகவும் அதனால் அவர் மகிழ்ச்சியடைந்துள்ளதாகவும் பேட்டியொன்றில் குறிப்பிட்டுள்ளார்.
''நான் தற்போது தமிழில் லட்சுமி ராமகிருஷ்ணன் இயக்கிய ஆர் யூ ஓகே பேபி படத்தில் நடித்து இருக்கிறேன். ஜோடியாக அபிராமி நடித்துள்ளார். என் மனதுக்கு நெருக்கமான படம் இது. குழந்தை தத்தெடுப்பு குறித்தும் சட்டபிரச்சினைகள் குறித்தும் இந்த படம் பேசுகிறது.
தெலுங்கில் எனக்கு அதிக பட வாய்ப்புகள் வருகின்றன. பிரபாசுடன் ஸ்பிரிட் படத்திலும் நடிக்கிறேன். இதனால் தெலுங்கு மொழியை பேசவும் எழுதவும் கற்றுக்கொண்டேன். நான் தெலுங்கு மொழி படித்ததை பார்த்து பவன் கல்யான் ஆச்சரியப்பட்டார்.
தெலுங்கு படங்களில் நடிக்கும்போது என்னை அக்கறையோடு கவனித்துக்கொண்டனர். தெலுங்கில் ப்ரோ படத்தை இயக்கியுள்ளேன். அதை பார்த்துவிட்டு சிரஞ்சீவி பாராட்டினார். அவர் நடிக்கும் படத்தை இயக்க பேச்சுவார்த்தை நடக்கிறது. தமிழ் படமும் இயக்குவேன்'' என மகிழ்ச்சியுடன் கூறியுள்ளார்.
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.
