ஆட்சிக்கு வந்ததும்- பன்னாட்டு நிதிச் சம்மேளனத்தை 6 மாதங்களில் உருவாக்குவோம்!!

எதிர்­வ­ரும் நவம்­பர் மாதம் நீங்­கள் சரி­யான தீர்­மா­னம் எடுத்­தால், நாங்­கள் ஆட்­சிக்கு வந்து கடந்த 10 ஆண்­டாக இங்கு நடை­ மு­றைப்­ப­டுத்­தப்­ப­டாத பன்­னாட்டு நிதிச் சம்­மே­ள­னத்தை உரு­வாக்­குவோம். வடக்கு கிழக்­கில் உங்­க­ளைத்­தேடி உங்­கள் கால­டிக்கே வந்து அபி­வி­ருத்­தி­க­ளை­யும், உங்­கள் குறை­க­ளை­யும் தீர்ப்­பது வேறு யாரு­மல்ல சஜித் பிரே­ம­தா­ச­தான் என்­ப­தை­யும் இங்கு வைத்­துக் கூறிக் கொள்­கின்­றேன். இவ்­வாறு அமைச்­சர் சஜித் பிரே­ம­தாச தெரி­வித்­தார்.

மன்­னார் பிர­தேச செய­லர் பிரி­வுக்­குட்­பட்ட ஜேசப்­வா­ஸில் நிர்­மா­ணிக்­கப்­பட்ட 239ஆவது மாதிரி கிரா­ம­மான ஜோசப்­வாஸ் நகர் மற்­றும் 230 ஆவது மாதி­ரிக் கிரா­ம­மான ஜோசப்­பு­ரம் ஆகிய இரண்டு மாதி­ரிக் கிரா­மங்­கள் நேற்று திறந்து வைக்­கப்­பட்­டன.

மன்­னார் மாவட்­டச் செய­லர் சி.ஏ.மோகன்­ராஜ் தலை­மை­யில் இடம்­பெற்ற நிகழ்­வில் அமைச்­சர் சஜித் பிரே­ம­தாச, நாடா­ளு­மன்ற உறுப்­பி­னர் செல்­வம் அடைக்­க­ல­நா­தன், அமைச்­சர் ரிசாட் பதி­யு­தீ­னின் செய­லர் றிப்­கான் பதி­யு­தீன், மன்­னார் பிர­தேச சபை­யின் தலை­வர் எம்.முஜா­கிர், ஐக்­கிய தேசி­யக் கட்­சி­யின் மாவட்ட அமைப்­பா­ளர் ஏ.எஸ்.எம்.பஸ்மி ஆகி­யோர் கலந்து கொண்­ட­னர்.

இந்த நிகழ்­வில் அமைச்­சர் சஜித் மேலும் தெரி­வித்­த­தா­வது:
நவம்­பர் மாதத்தை நீங்­கள் சரி­யான முறை­யில் பய­ன­ப­டுத்தி, சரி­யான தீர்வை எடுப்­பீர்­க­ளாக இருந்­தால் இந்­தத் தீர்­மா­னம் இலங்கை மக்­க­ளுக்­கும், உங்­க­ளுக்­கும் சரி­யான தீர்­மா­ன­மாக இருக்­கு­மாக இருந்­தால் நான் மீண்­டும் வந்து மன்­னா­ரில் மாத்­தி­ர­மல்ல இலங்­கை­யில் இருக்­கக்­கூ­டிய ஒட்­டு­மொத்த வீட்டு பிரச்­சி­னை­க­ளுக்­கும் தீர்­வைத் தரு­வேன். 2025ஆம் ஆண்­டிற்­குள் 20 ஆயி­ரம் வீடு­களை நாட­ளா­விய ரீதி­யில் கட்டி முடிப்­பேன்.

போர் நிறை­வ­டைந்து சமா­தா­னம் ஏற்­ப­டும் போது சேத­ம­டைந்த அந்­தப் பகு­தி­களை மீண்­டும் நிர்­மா­ணிப்­பார்­கள். அவ்­வாறு நிர்­மா­னப்­ப­ணி­களை மேற்­கொள்ள ஒரு அமைப்பை உரு­வாக்­கு­வார்­கள். பன்­னாட்டு நிதி சம்­மே­ள­னம் என்­ப­து­தான் அதன் பெயர். அப்­ப­டி­யாக ஒரு அமைப்பை உரு­வாக்கி அந்த அமைப்­பின் ஊடாக வெளி­நா­டு­க­ளி­டம் இருந்து நிதியை பெற்று சேத­ம­டைந்த பகு­தி­களை முற்று முழு­து­மாக நிவர்த்தி செய்து முழு­மை­யாக கட்டி எழுப்­பு­வார்­கள்.

2009ஆம் ஆண்டு மே மாதம் போர் நிறை­வுக்கு வந்­தது. கிட்­டத்­தட்ட 10 ஆண்­டு­களை அண்­மித்து விட்­டோம். இன்று வரை இவ்­வா­றான பன்­னாட்டு நிதிச் சம்­மே­ள­னத்தை உரு­வாக்­கி­னார்­களா? அப்­படி ஒன்­றும் இல்லை. அவர்­கள் உரு­வாக்­கி­யது என்ன?

போர் முடிந்த பின்­னர் எப்­படி அர­சி­யல் இலா­பத்தை பெற்­றுக் கொள்­வது என்­ப­தைத்­தான் உரு­வாக்­கி­னார்­கள். போரால் பாதிக்­கப்­பட்ட பிர­தே­சங்­க­ளைக் கட்­டி­யெ­ழுப்­பா­த­வர்­கள் ஆட்­சி­யைப் பிடிக்க நினைக்­கின்­றார்­கள்.

அரச தலை­வர் வேட்­பா­ள­ராக நான் போட்­டி­யி­டப் போகின்­றேன். அவர் போட்­டி­யி­டப் போகின்­றார். இப்­ப­டிக் கூறு­கின்­றார்­கள். அவர்­க­ளின் குடும்­பத்­தில் சகோ­த­ரர்­களை ராஜா­வாக்க முயற்­சித்­தார்­கள். தற்­போது மகனை ராஜா­வாக்க முற்­ப­டு­கின்­றார்­கள். மக்­க­ளுக்கு உதவி செய்­வ­தைப் பற்றி பேசும் இவர்­கள், கடந்த காலங்­க­ளில் குடும்­ப­மாக வெளி­நா­டு­க­ளுக்­குச் சென்று நட்­சத்­திர விடு­தி­க­ளில் தங்கி கூத்­த­டித்­தார்­கள்.

இன்று வெட்டி வீராப்பு பேசிக்­கொண்டு மீண்­டும் ஒரு­முறை ஆட்­சியை தட்­டிப் பறிக்க முயற்­சிக்­கின்­றார்­கள். வீணான இந்த உத­வாக்­க­ரை­கள் அன்று மக்­க­ளைப்­பற்றி சிந்­திக்­க­வில்லை. குடும்ப ஆட்­சியை கொண்டு வந்­தார்­கள். சுக­போக வாழ்க்கை வாழ்ந்­தார்­கள்.
ஒரு காலத்­திலே ராஜா­வாக வாழக்­கூ­டிய அள­வுக்கு சுக­போக வாழ்க்­கையை நாட்­டி­னு­டைய மக்­கள் மூல­மாக பெற்ற வரிப்­ப­ணத்­தின் மூலம் வாழ்ந்­தார்­கள்.

நான் ஆட்­சிக்கு வந்­தால் அவர்­க­ளைப் போல் ராஜா­வாக நடந்து கொள்ள மாட்­டேன். தற்­போது உடுத்­தி­யுள்ள இந்த உடை­யு­டன் உங்­க­ளைத் தேடி வரு­வேன். உங்­க­ளின் பிரச்­சி­னை­களை அடை­யா­ளம் காணு­வேன். உங்­க­ளு­டைய பிரச்­சி­னை­க­ளுக்கு சரி­யான தீர்­வைப் பெற்­றுத்­த­ரு­வேன். நல்ல ஆட்­சியை நாட­ளா­விய ரீதி­யில் உங்­க­ளுக்கு ஏற்­ப­டுத்­தித் தரு­வேன்.

எங்­க­ளு­டன் இணைந்­துள்ள மக்­க­ளைப் பார்த்து அவர்­க­ளுக்கு பித்­துப் பிடித்து விட்­டது. சஜித்­துக்கு வயது காணாது என்­கின்­றார்­கள். கடந்த 10 ஆண்­டு­க­ளாக பன்­னாட்­டுத் தொடர்­பு­க­ளு­டன் புகுந்து விளை­யா­டிய உங்­க­ளால் ஏன் பன்­னாட்டு நிதிச் சம்­மே­ள­னத்தை உரு­வாக்க முடி­யா­மல் போனது?

போரால் பாதிக்­கப்­பட்ட மக்­கள் பற்­றிச் சிந்­தித்­தீர்­களா? இல்­லையே. இன்று அதைப் பற்­றிச் சிந்­திக்­காது, நாங்­கள் வந்­தால் ஆட்டை மாட்­டாக்­கு­வோம் என்று கதை­வி­டு­கின்­றீர்­கள் – என்­றார்.

You might also like