side Add

பிரபாகரன் என்கிற தவிர்க்க முடியாத ஆளுமை!!

இலங்­கை­யில் நடப்­பது மக்­க­ளாட்­சியா(ஜன­நா­ய­கமா), இல்­லையா? என்­கிற குழப்­பத்­துக்­குள் கொழும்பு அர­சி­யல் சிக்­கிக் கொண்­டி­ருக்­கை­யில் தவிர்க்க முடி­யா­மல் நினை­வுக்கு வரு­கின்ற ஒரு பெயர் வேலுப்­பிள்ளை பிர­பா­க­ரன். அவர் இருந்­தி­ருந்­தால் கொழும்­பில் இன்று இந்­தப் பிர­ள­யம் எது­வும் நிக­ழந்­தி­ருக்க வாய்ப்­பே­யில்லை என்­ப­தைச் சிங்­க­ள­வர்­களே ஏற்­றுக்­கொள்­கி­றார்­கள். அந்­த­ள­வுக்கு ஒட்­டு­மொத்த இலங்­கை­யின் அர­சி­ய­லை­யும் தீர்­மா­னிக்­கும் அசாத்­திய மனி­த­னாக வர­லாற்­றில் தன்னை ஆழ­மா­கப் பதித்த ஒரு தலை­வன் பிர­பா­க­ரன்.

எண்­ணிக்­கை­யில் மிகச் சிறிய ஒரு மக்­கள் கூட்­டத்­தின் மத்­தி­யில் இருந்து முகிழ்த்து, ஒட்­டு­மொத்த உல­கத்­தை­யும் தனது படைத்­துறை வீரத்­தால் திரும்­பிப் பார்க்க வைத்த வீரத் தமி­ழன் என்று பிர­பா­க­ர­னைப் புகழ்­வ­தில் தவ­றே­தும் இல்லை. பிர­பா­க­ர­னின் போராட்ட வழி­வ­கை­கள் மீது பல்­வேறு விமர்­ச­னங்­கள் இருக்­க­லாம். அவ­ரது போராட்ட வழி­மு­றை­கள் பல­தும் இந்த உல­கால் ஏற்­றுக்­கொள்ள முடி­யா­த­வை­யாக இருக்­க­லாம். பல­ருக்­கும் உல­குக்­கும் அவர் பயங்­க­ர­வா­தி­யாக இருக்­க­லாம். ஆனால், ஈழத் தமி­ழர்­க­ளைப் பொறுத்­த­வ­ரை­யில் தன்­ன­ல­மற்ற, மக்­க­ளின் விடு­த­லைக்­காக நேர்­மை­யா­கச் சிந்­தித்த, எப்­போ­தும் கொண்ட கொள்­கையை விட்­டுக்­கொ­டுக்­காத, எத்­த­கைய இடர்­வ­ரி­னும் தளர்ந்­து­வி­டாத ஒரே தமிழ்த் தலை­வன் பிர­பா­க­ரன்­தான் என்­ப­தில் மாற்­றுக் கருத்­தில்லை.

அத்­த­கைய ஒரு தலை­வ­னின் பிறந்த நாள் இன்று. போராட்­டக் களத்­தில் இருந்­தா­லும் இல்­லா­விட்­டா­லும் பிர­பா­க­ரனை நீக்­கி­விட்டு ஈழத் தமி­ழர்­க­ளின் தீர்வு பற்றி ஒரு­வ­ரா­லும் சிந்­திக்க முடி­யாது.

பிர­பா­க­ரன் மீதான மிகப் பெரிய விமர்­ச­னம், அமை­தித் தீர்வு ஒன்றை ஏற்­ப­டுத்­து­வ­தற்­கான வாய்ப்­பு­கள் பல­வற்றை அவர் தவ­ற­விட்­டார் என்­பது. அவரை வன்­னி­யில் நேர­டி­யா­கச் சந்­தித்­துக் கலந்­து­ரை­யா­டிய ஜப்­பா­னிய சிறப்­புத் தூது­வர் யசூசி அகா­சி­கூட அண்­மை­யில், பிர­பா­க­ர­னின் மனது போர் வெற்­றி­க­ளால் நிரம்­பி­யி­ருந்­தது, அவர் அதீத தன்­னம்­பிக்கை மிக்­க­வ­ராக இருந்­தார் என்று தெரி­வித்­தி­ருந்­தார். இது­மட்­டு­மல்ல, ஆயுத பலம் இருக்­கும் போதே நல்­ல­தொரு தீர்­வைப் பெற்­று­கொள்­வ­தற்­குப் பிர­பா­க­ரன் மறுத்து வந்­தார், அதுவே தமி­ழர்­க­ளின் பின்­ன­டை­வு­கள் எல்­லா­வற்­றுக்­கும் கார­ணம் என்று விமர்­சிப் ­போர் உள்­நாட்­டி­லும் வெளி­நா­டு­க­ளி­லும் இருக்­கி­றார்­கள்.

ஆனால், சிங்­க­ளத் தலை­வர்­கள் தமி­ழர்­க­ளுக்­குத் தாமாக ஒரு­போ­தும் ஒரு தீர்­வைத் தர­மாட்­டார்­கள் என்­ப­தில் பிர­பா­க­ரன் உறு­தி­யான நம்­பிக்கை கொண்­டி­ருந்­தார். இதை அவர் பல தட­வை­கள் வெளிப்­ப­டை­யா­கவே கூறி­வந்­தி­ருக்­கி­றார். அந்த நம்­பிக்­கை­யின் மீது­தான் அவ­ரது ஒட்­டு­மொத்த அர­சி­ய­லும் கட்­ட­மைக்­கப்­பட்­டி­ருந்­தது. அத­னால்­தான் அவர் சிங்­கள அர­சு­க­ளு­டன் எப்­போ­துமே ‘நம்ப நட நம்பி நட­வாதே’ என்­கிற கொள்­கை­யோடு செயற்­பட்­டார். அவ­ரது நம்­பிக்கை வீண்­போ­ன­தில்லை என்­ப­தைக் காலம் இன்­ற­ள­வும் நிரூ­பித்து பிர­பா­க­ர­னுக்கு நன்­றிக் கடன் செலுத்­து­கின்­றது.
மைத்­திரி -– ரணில் ஆட்சி வந்­த­போது வர­லாற்­றில் என்­று­மே­யில்­லாத ஒரு வாய்ப்பு இது, தமி­ழர்­க­ளுக்­குத் தீர்வு ஒன்று சாத்­தி­ய­மா­கி­வி­டும் என்­றார்­கள். தமிழ்த் தேசி­யக் கூட்­ட­மைப்­பின் தலை­வர் இரா.சம்­பந்­தன், ‘‘இந்த வர­லாற்று வாய்ப்பை நாம் தவ­ற­வி­டக்­கூ­டாது’’ என்று திரும்­பத் திரும்­பக் கூறி­வந்­தார். தமி­ழர்­க­ளுக்கு மட்­டு­மல்ல சிங்­க­ளத் தலை­வர்­க­ளுக்­கும்­தான் அவர் அப்­ப­டிச் சொல்­லி­வந்­தார். ஆனால், நடந்­தது என்ன? புதிய அர­ச­மைப்­புக்­கான வரை­வைக்­கூட நாடா­ளு­மன்­றத்­தில் முன்­வைக்க ‘வர­லாற்று வாய்ப்­பால்’ முடி­யா­மல் போய்­விட்­டது.

பிர­பா­க­ரன் இருக்­கும்­போது உள்­ளக சுய­நிர்­ணய உரி­மை­யு­டன் கூடிய தீர்வு ஒன்­றைத் தமி­ழர்­க­ளுக்­குத் தரு­வ­தற்கு இணங்­கிய ரணில் விக்­கி­ர­ம­சிங்க, இன்று தமி­ழர்­க­ளுக்கு என்ன தீர்­வைத் தரப்­போ­கி­றார் என்­பதை வெளிப்­ப­டை­யா­கச் சொன்­னால் ஆட்­சி­யைப் பிடிக்க முடி­யாது என்­கிற அர­சி­யல் வட்­டத்­துக்­குள்­தான் சிக்­கிக் கொண்­டி­ருக்­கி­றார். இவர்­கள் இப்­ப­டித்­தான் என்­பதை மிகச் சரி­யா­கக் கணித்­த­தன் கார­ண­மா­கத்­தான் பிர­பா­க­ரன் போரை மட்­டுமே நம்­பி­யி­ருக்க, ஆயு­தங்­களை மட்­டுமே நம்­பி­யி­ருக்க நிர்ப்­பந்­திக்­கப்­பட்­டார் என்­ப­தைக் காலம் மீண்­டும் மீண்­டும் நிரூ­பித்­துக்­கொண்டே இருக்­கி­றது. சிங்­க­ளத் தலை­வர்­களை இந்­த­ளவு தூரத்­துக்கு ஆழ­க­மா­கக் கணிப்­பிட்டு அர­சி­யல் நடத்­திய ஆளுமை மிக்க ஒரே தமிழ்த் தலை­வன் பிர­பா­க­ரன் மட்­டுமே. அத­னா­லேயே அவ­ருக்கு வர­லாற்­றில் அழிக்க முடி­யாத இடம்.

You might also like