side Add

தாம­ரை­யில் தான்- தமி­ழீ­ழம் மல­ரும்!!

ஒன்று பட்­டால் உண்டு வாழ்வு. ஒற்­றுமை நீங்­கின் அனை­வ­ருக்­கும் தாழ்வு’ அன்­றைய தமி­ழன் சிந்­த­னை­யில் பட்­ட­றி­வால் தோன்­றிய வார்த்தை இது. இன்­றைய தமி­ழனோ அதை உண­ராது தடு­மாறி நிற்­கி­றான். என்னே! என்னே! இதைத் தமி­ழி­னத்­தின் விதி என்­பதா? அல்­லது மடமை என்­பதா?
அட தமிழா உனக்கு ஒன்று சொல்­வேன் அதைச் சற்­றுச் செவி­ம­டுத்து நில்­லடா. எம்­மைப் பார்த்து ‘அட’ என்று சொல்­ப­வன் யாரடா? என்று சிலர் சிந்­த­னை­யில் கேள்வி எழு­வ­தை­யும் எம்­மால் உணர முடி­கின்­றது. இதைச் சொல்­ப­வன் எண்­பது வயதை எட்­டிய கிழ­வன் என்று சொல்­லும்­போது கேள்வி எழுப்­பி­ய­வர் சிந்­த­னை­யில் ஏற்­பட்ட சீற்­றம் சற்­றுத் தணி­யும் என­வும் எம்­மால் உண­ர­மு­டி­கின்­றது.

தேங்­கா­யைச் சுற்றி மட்டை இருக்­கின்­றது. அதை நாம் பொச்சு என்று சொல்­லு­கி­றோம். அந்த மட்­டையை நீரில் ஊற­வைத்து அடித்­துத் துவைத்­துத் தும்பை எடுக்­கி­றோம். அந்­தத் தும்­பைக் கொண்டு துடைப்­பம், மிதித் தட்டு போன்ற பாவ­னைப் பொருள்­களை உரு­வாக்­கிப் பயன்­ப­டுத்­து­கி­றோம். அந்­தத் தும்பை முறுக்கி எடுத்­துக் கயிறு என்ற பெய­ரில் வேலி அடைக்­கி­றோம். எமது வச­திக்­கா­கக் கால் நடை­க­ளைக் கட்­டி­வைத்து ஆள்­கி­றோம். அதே தும்­பைத் திரட்டி எடுத்­துப் பரு­ம­னாய்க் கயி­றா­கத் திரித்து அதற்கு வடம் என்று பெய­ரிட்டு ஆண்­ட­வன் திரு­வு­லா­ வ­ரும் மணி­நெ­டும்­தேர் அசைந்­தா­டி­வர இழுத்­துச் செல்­கி­றோமே! இதைப்­பற்றி நீ என்ன நினைக்­கி­றாய்?
‘’சிறு துரும்­பும் பல்­லுக்­குத்த உத­வும்’’ என்று சொன்ன நம் முன்­னோர் சிறு தும்­பை க்­கொண்டு எதை எதை எல்­லாம் செய்­தார்­கள். பயன்­ப­டுத்­திக் கொண்­டார்­கள் என்­ப­தைச் சற்­றே­னும் நீ சிந்­தித்­துப் பார்த்­த­துண்டா?

ஆதி­கா­லத் தமி­ழ­னும்
அவன் அடை­யா­ள­மும்
இன்­னும் கொஞ்­சம் சொல்­கி­றேன் கேள்­மின். இலங்கை மாதா­வின் தலை, அது வட­பு­லம் யாழ்ப்­பா­ண­மா­கும். அது உல­க­றிந்த பூமி. யாழ்.மண்­ணில் நாலா­வது உல­கத் தமிழ் ஆராய்ச்சி மாநாடு அரச எதிர்ப்­புக்கு மத்­தி­யில் நடந்­தே­றி­யது. அப்­போது செக்­கோஸ்­லோ­வாக்­கி­யா­வைச் சேர்ந்த ஒரு­வர் தமிழ்­மொழி மீது­கொண்ட மோகத்­தால் அந்த மொழி­யைக் கற்­றுத் தேறி, தமிழ் அறி­ஞன் ஆகித் தன்­பெ­ய­ரைச் ‘செம்­பி­யன்’ என்று மாற்­றித் தமிழ்ப் பண்­பாட்­டு­டை­யில் நெற்­றி­யில் சந்­த­னப் பொட்­டிட்­டுக் கம்­பீ­ர­மாக மேடை­யில் நின்று ‘’பணம் இருந்­தால் வாங்­கா­ளம் போக­லாம்; தமிழ் தெரிந்­தால் யாழ்ப்­பா­ணம் போக­லாம்’’ என்று மழலை மொழி­யில் மொழிந்து நின்­றார். அப்­ப­டி­யான இந்த மண் மூளை வளம் நிரம்­பி­யது. அந்த வளத்தைக் கருத்­தில்­கொண்­டு­தான் சிறு­பான்­மைக் குழு­ம­மான தமிழ் இனத்­தைக் கண்டு பெரும்­பான்மை இன­மாக சிங்­க­ளத் தலை­மை­கள் பயப்­ப­டு­கி­றார்­கள். அவர்­கள் பயப்­ப­டு­வ­தற்கு ஒரு நியா­யம் இருக்­கி­றது.

சிங்­கள மக்­க­ளின் ஆதி­நாள் இரா­ச­தானி அநு­ரா­த­பு­ரம். சிங்­கள மக்­க­ளின் அர­சி­ருக்கை காலத்­துக்­குக்­கா­லம் பொல­ந­றுவை, தம்­ப­தெ­னியா, குரு­நா­கல், றைகம்­கோட்டை என்று மாறி இருக்­கி­றது. இதற்­குக் கார­ணம் தென்­னிந்­தி­யப் படை­யெ­டுப்­பா­கும். முடி­யுடை மூவேந்­தர்­க­ளுள் சோழர்­க­ளும் பாண்­டி­யர்­க­ளும் அடிக்­கடி படை­யெ­டுத்­துப் பல ஆண்­டு­கள் தொடர்ச்­சி­யாக ஆண்­டு­வந்­த­னர் என்­பது வர­லாறு. இலங்கை முழு­வ­தும் தமி­ழர்­கள் செறிந்து வாழ்­வ­தற்­கும் அவர்­க­ளது வழி­பாட்­டுச் சின்­னங்­க­ளா­கக் கோவில்­கள் கட்­டப்­பட்­டன என்­ப­தை­யும் நாம் புரிந்து கொள்­ள­வேண்­டும்.
அக்­கால கட்­ட­டங்­க­ளில் எம்­ம­வர் வெறுப்­ப­ன­வாய சிறு­மை­க­ளைச் செய்­தி­ருக்க வாய்ப்­புண்டு. அந்­தச் செய்­கை­களே இன்று எம்­மி­னத்­தின் அவல நிலைக்­கும் துன்ப துய­ரங்­க­ளுக்­கும் கார­ண­மான சாபக்­கே­டாக அமைந்­தன என்­பதை நாம் எமது உள்­ளு­ணர்­வால் உணர்ந்து கொள்­ள­வேண்­டும்.

தமி­ழர்­கள் ஆயு­தப் போராட்­டத்தை
பன்­னா­டு­கள் ஏன் தோற்­க­டித்­தன?
சிங்­க­ளத் தலை­மை­க­ளால் தமிழ்த் தலை­மை­கள் ஏமாற்­றப்­ப­டு­வதை உன்­னிப்­பா­கக் கவ­னித்­து­வந்த இளை­ஞர் சமூ­கம் கையிலே ஆயு­தத்தை எடுத்­தார்­கள். அவர்­க­ளது மண்டை வளம் அவர்­க­ளது செய்­கை­க­ளிலே ஒளி­விட்­ட­தைக் கண்ட உல­கத்துக்கு அவர்­க­ளது செயல்­க­ளின் தாக்­கம் எதிர்­கா­லத்­தில் உல­கத்­துக்கே அச்­சு­றுத்­த­லாக அமைந்­து­வி­டுமோ என்ற அச்ச உணர்வை ஏற்­ப­டுத்­தி­விட்­டது. அத­னால் அவர்­க­ளைப் பயங்­க­ர­வா­தி­கள் பட்­டி­ய­லில் சேர்த்து இலங்கை அர­சோடு இணைந்து எங்­க­ளது ஆயு­தப் போராட்­டத்­தைத் தோற்­க­டித்­தார்­கள்.

அந்த உல­கம் எமது உரி­மைக்­கு­ரலை ஏற்­கி­றது. மதிக்­கி­றது. மனி­தப் பண்­பாட்­டை­யும் மனித உரி­மை­க­ளை­யும் நீதி நெறி முறை­க­ளை­யும் நிலை நிறுத்த அது பாடு­ப­டு­கின்­றது என்­பதை யாரா­லும் மறு­த­லிக்­க­வும் முடி­யாது. எல்லா இனத்­த­வர்­க­ளும் எல்ல அர­சு­க­ளும் தத்­தம் நாட்டு உயர்­வுக்­கா­க­வும் நல­னுக்­கா­க­வும் பாடு­ப­டு­கின்­றன. அந்­தச் செயல்­களை வைத் துக்­கொண்டு அவர்­க­ளைச் சுய­ந­ல­வா­தி­கள் என்று நோக்­க­லாமா? முடி­யாது. அந்த நோக்கு. அந்­தப் பார்வை தன் அள­வில் நில்­லா­மல் பிறர் நல­னி­லும் செறிந்து பர­வு­மா­னால் அதைச் சுய­ந­லம் என்று எப்­படி அர்த்­தப்­ப­டுத்த முடி­யும்?

இந்­திய -– இலங்கை ஒப்­பந்­த­மும்
அதில் ஊடா­டும் இரா­ஜ­தந்­தி­ர­மும்

1987ஆம் ஆண்டு இந்­திய அரசு இலங்கை அர­சு­டன் ஓர் ஒப்­பந்­தம் செய்­தது. தமி­ழர்­க­ளின் உரி­மைப் போராட்­டம் வலு­வ­டைந்­த­போது இந்­தி­யத் தலை­யீடு ஏற்­பட்­டது. அப்­போ­தைய தமி­ழர் தலை­மை­யின் அரும்­பெ­ரும் முயற்­சி­யால் இந்­தி­யத் தலை­யீடு ஏற்­பட்­டது. இந்த உடன்­பாட்­டில் உள்ள குறை­பா­டு ­களை அமிர்­த­லிங்­கம், இந்­தி­யத் தலைமை அமைச்­சர் ராஜீவ் காந்­திக்­குச் சுட்­டிக்­காட்­டி­ய­போது, ராஜீவ் சொன்­னார் ‘‘இப்­போ­தைக்கு இதை ஏற்­றுக்­கொள்­ளுங்­கள் பின்னை அதை நான் பார்த்­துக்­கொள்­கி­றேன்’’ என்று. அந்த உடன்­பாட்­டில் அமிர்­த­லிங்­க­மும் ஒப்­ப­மிட்­டார். அது ஒரு கன­வான் உட­ன­ப­டிக்­கை­யா­கக் கரு­தப்­ப­டு­கி­றது.

இந்த உடன்­பாட்டை அன்­றைய துடிப்­புள்ள இளை­ஞர் சமூ­கத்­தி­னர் ஏற்க மறுத்­த­னர். அவர்­க­ளின் முதன்­மை­ யா­ன­வர் பிர­பா­க­ரன். இந்­திய அரசு சுய­ந­லத்­தோடு இந்த உடன்­ப­டிக்­கை­யைச் செய்­துள்­ளது என்று மறுத்து நின்­றார். அப்­போது அமிர்­த­லிங்­கம் அத்­த­கை­ய­வர்­க­ளைப் பார்த்து ஒன்று சொன்­னார். நாம் பேச்­சு­வ­ரை­தான் வரு­வோம். அதன் பின்னை (பிறகு) நீங்­களே ஆளுங்­கள். ஜே.ஆர்.ஜெய­வர்த்­தன பெரிய இரா­ஜ­தந்­திரி அத­னால் நாம் கவ­ன­மா­க­வும் நிதா­ன­ மா­க­வும் நடக்­க­வேண்­டும்’’ என்­றார்.

கையில் எடுத்த ஆயு­தத்­தைக்­கொண்டு எதை­யும் சாதிக்­க­லாம் என்று எண்­ணிய இளை­ஞர் சமூ­கத்­தால் அமிர்­த­லிங்­கத்­தின் அறி­வுரை வெறி­ய­தா­கப்­போய் விட்­டது. பின்­னா­ளில் சில சம்­ப­வங்­கள் நடந்­தே­றின. அப்­போது ஜே.ஆர். சொன்­னார். புலி­க­ள­மைப்­பின் எதிர்ப்பால் நாம் சிர­மப்­பட்­டி­ருந்த வேளை­யில் இந்­தி­யத் தலைமை அமைச்­சர் ராஜீவ் கை நீட்­டி­னார். நாம் அவர்­க­ளின் கையை இறு­கப்­பற்­றிக் கொண்­டோம். இப்­போது அவ­ரைப் போகச் சொன்­னோம். போய் விட்­டார்­கள் என்­றார். சிங்­க­ளத் தலை­மை­யின் இரா­ஜ­தந்­தி­ரம் எப்­ப­டி­யி­ருக்­கி­றது என்று எண்­ணிப்­பா­ருங்­கள்.

அமிர்­த­லிங்­கத்­துக்­காக
கள­மி­றங்­கி­னார் ஜி.ஜி.
இலங்கை ஜன­நா­யக சோச­லிய அர­சி­யல் சட்­டத்தை எதிர்த்து துண்டு அறிக்கை விட்­ட­தற்­காக அமிர்­த­லிங்­கத்­தைக் குறி­யாக வைத்து அன்­றைய சிறி­மாவோ பண்­டா­ர­நா­யக்க அரசு அவர்­மீது வழக்­குத் தொடுத்­தது. அந்த வழக்­கின்­படி எதி­ராளி குற்­ற­வா­ளி­யா­கக் கரு­தப்­பட்­டால் இரு­பது ஆண்­டு­கள் கடூ­ழி­யச் சிறை­யும் சொத்­துப் பறி­மு­த­லும் அர­சி­யல் உரிமை மறுப்­பும் ஏற்­ப­டும். இந்த வழக்கு கொழும்பு நீதி­மன்ற வளா­கத்­தில் மூவர் அடங்­கிய நீதி­ய­ர­சர்­கள் குழா­மால் விசா­ர­ணைக்கு எடுத்­துக்­கொள்­ளப்­பட்­டது.

இந்த வழக்­கில் வாதா­டத் தமிழ் சட்­டத்­த­ர­ணி­கள் பலர் ஒன்று திரண்­ட­னர். முதல் நாள் விசா­ரணை அன்று தமிழ் காங்­கி­ரஸ் கட்­சித் தலை­வர் கண­ப­திப்­பிள்ளை காங்­கே­யர் பொன்­னம்­ப­லம் (ஜி.ஜி) வாதா­டி­னார். இந்த வழக்­குத் தொடுத்­த­முறை தவ­றென்­றும் இந்த நீதி­மன்­றால் விசா­ரிக்க முடி­யா­தென்­றும், 1972ஆம் ஆண்டு கொண்­டு­வ­ரப்­பட்ட அர­சி­யல் திட்­டத்­தின் குறை­பா­டு­களை சுட்­டிக்­காட்­டி ­யும் வாதா­டி­ய­போது நீதி­மன்ற வளா­கமே அதிர்ந்­தது. பெரும் பதற்­றம் அடைந்­தது.

டாக்­டர் பெரேரா நீதி­ய­ர­ச­ராய் இருந்த கால­கட்­டத்­தில் தமி­ழ­ர­சுக்­கட்­சி­யில் சிறந்த சட்­டத்­த­ர­ணி­கள் இருக்­கி­றார்­கள். நாம் மிக­வும் கவ­ன­மாக இருக்க வேண்­டும் என்று கூறி­ய­தை­யும் நாம் எண்­ணிப் பார்க்­க­வேண்­டும். எதிர்க்­கட்சி என்­றால் எதற்­கும் எதி­ரான கட்­சியா? அப்­படி அதற்­குப் பொருள் கொள்­ள­லாமா? எதிர்க்­க­வேண்­டிய இடத்­தில் எதிர்த்­தும் தட்­டிக்­கொ­டுக்­க­வேண்­டிய இடத்­தில் கட்­டிக்­கொ­டுத்­தும் செயல்­ப­டு­வ­து­தான் எதிர்க்­கட்­சி­யா­கும். ஆரி­யக்­கூத்து ஆடி­னா­லும் காரி­யத்­தில் கண்­ணாய் இருக்க வேண்­டும் என்­ப­தால் தமி­ழர் தலை­மைத்­து­வம் மெத்­த­னப்­போக்­கைக் கையா­ளு­கின்­றது என்­ப­தைப்­பு­ரிந்­து­ கொள்ள வேண்­டும்.

மகிந்­த­வின் ஆட்­சி­யும்
மைத்­தி­ரி­யின் ஆட்­சி­யும்
மகிந்­த­வின் ஆட்சி இன­வா­தத் துரும்­பைக் கையில் எடுத்த ஆட்சி. நான் என்ற ஆண­வத் தாண்­ட­வம் புரிந்த ஆட்சி. அதை­யா­ரும் கெடுக்­க­வில்லை. அது தானா­கவே கெட்­ட­ழிந்­தது. மைத்­தி­ரி­யின் ஆட்சி கேட்­பார் புத்­தி­கேட்­டுக் கொண்­டு­விட்ட ஆட்சி. அதன் சூழ்ச்­சித் திட்­டத்­தைத் தமி­ழர் தலை­மைத்­து­வம் அம்­ப­லப்­ப­டுத்­தி­யது. தமி­ழர் தலைமை தேசிய ரீதி­யில் செயற்­ப­ட­வில்­லையே என்று குறை சொல்­வோர்க்கு இது ஒரு பதி­ல­டி­யா­க­வும் அமை­கி­றது. தமி­ழர் தலை­மைத்­து­வம் கோண­லாக அமை­கி­றது என்று சொன்­னோர் தமி­ழர் தலை­மைத்­து­வம் கோண­லாக இருந்த நீதித்­து­றையை இன்று நிமிர வைத்­தி­ருப்­பதைக் கண்டு மெளனித்துள்ளனர்.

தமி­ழர் சமூ­கத்தை எள்­ள­ள­வே­னும் மதி­யா­மல் இருந்து வந்த சிங்­க­ளத் தலை­மை­கள் இன்று சிறிது சிறி­தாக எங்­கள் உரி­மை­களை உள்­வாங்­கத் தலைப்­பட்டு விட்­ட­னர் என்­பதை இன்று நாடா­ளு­மன்­றில் அரங்­கேற்­றப்­பட்ட புதிய அர­சி­யல்­திட்ட வரைவு பறை­சாற்றி நிற்­கி­றது. இதில் சில­கு­றை­பா­டு­கள் இருக்­க­லாம். அந்­தக் குறை­பா­டு­களை அடுத்த தலை­மு­றை­யி­னர் பார்த்­துக்­கொள்­ளட்­டும். மாற்­றம் என்­பது மாறா­த­தொன்றா?

சிங்­க­ளத் தலை­மை­கள் எங்­கள் உரி­மை­களை இனி­மே­லும் தர மறு­த­லிப்­பார்­க­ளே­யா­னால் தமிழ் ஈழத்­துக்­காக நாம் போராட வேண்­டாம். அதை அவர்­க­ளது நட­வ­டிக்­கை­க­ளால் அவர்­களே பெற்­றுத் தரு­வார்­கள். இதை மன­தில் வைத்­துத்­தான் சம்­பந்­தன் ஐயா, மகிந்­த­வைப் பார்த்து தாமரை மொட்­டில்­தான் தமி­ழீ­ழம் மல­ரும் என்­றார். ஒன்­று­ப­டு­வோம்; ஒற்­று­மை­யைப் பேணு­வோம்; தலை­மைக்கு வலுச்­சேர்ப்­போ­மாக.

You might also like