(புதியவன்)
ரஷ்ய அரச தலைவர் விளாடிமிர் புடின் தனது நாட்டு மக்களை மேலும் குழந்தைகளை பெற்றுக்கொள்ளுமாறு கேட்டுக்கொண்டுள்ளார்.
ஒவ்வொரு குடும்பத்திலும் குறைந்தது இரண்டு குழந்தைகளாவது இருக்க வேண்டும் எனவும் ஒரு தேசமாக வாழ்வதற்கு இது மிக முக்கியம் எனவும் தெரிவித்தார்.
2022 ஆம் ஆண்டில், ரஷ்ய இராணுவம் அதன் அண்டை நாடான உக்ரைனை ஆக்கிரமித்தது. இப்போது அந்த போரினால் ஏராளமான ரஷ்யர்கள் இறந்துள்ளனர், மேலும் ஏராளமான மக்கள் நாட்டை விட்டு வெளியேறியுள்ளனர்.
“ஒரு தேசமாக வாழ, ஒரு குடும்பத்திற்கு குறைந்தது இரண்டு குழந்தைகளாவது இருக்க வேண்டும். ஒரே ஒரு குழந்தை இருந்தால், எங்கள் மக்கள் தொகை குறையும்…” என்று ரஷ்ய அரச தலைவர் தொழிற்சாலை தொழிலாளர்கள் கூட்டத்தில் உரையாற்றும் போது தெரிவித்துள்ளார்.
2023 ஆம் ஆண்டின் தொடக்கத்தில், ரஷ்யாவின் மக்கள் தொகை 146.4 மில்லியனாக இருந்ததும் குறிப்பிடத்தக்க விடயமாகும். (ஏ)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.