ஸ்ரீலங்கன் எயார்லைன்ஸை வாங்க 6 முதலீட்டாளர்கள்
ஸ்ரீலங்கன் எயார்லைன்ஸை வாங்க 6 முதலீட்டாளர்கள்
(புதியவன்) ஸ்ரீலங்கன் எயார்லைன்ஸை கொள்வனவு செய்வதற்கான ஏலத்தில் இலங்கையைச் சேர்ந்த மூன்று முதலீட்டாளர்கள் உட்பட 6 முதலீட்டாளர்கள் விருப்பம் தெரிவித்துள்ளதாக அரச நிறுவன மறுசீரமைப்பு பிரிவு நேற்று (22) வெளிப்படுத்தியுள்ளது. உலகின் முன்னணி குறைந்த கட்டண வானூர்தி சேவையான AirAsia மற்றும் இலங்கையில் இயங்கும் Fitz Aviation ஆகியவை இதில் உள்ளடங்குவதாக தெரிவிக்கப்பட்டுள்ளது. நாட்டின் தேசிய வானூர்தி நிறுவனமான ஸ்ரீலங்கன் எயார்லைன்ஸை கொள்வனவு செய்வதற்கு கோரப்பட்டுள்ள ஏலத்தில் விருப்பம் தெரிவித்த 6 முதலீட்டாளர்களின் விபரங்களை நிதி, பொருளாதார ஸ்திரப்படுத்தல் மற்றும் தேசிய கொள்கை அமைச்சின் கீழ் இயங்கும் அரச நிறுவன மறுசீரமைப்பு பிரிவு நேற்று வெளியிட்டது. இவ்வாறு ஸ்ரீலங்கன் வானூர்தி சேவையை கொள்வனவு செய்ய விருப்பம் தெரிவித்த தரப்பினர்: 1. AirAsia Consulting Sdn. Bhd. 2. Dharshaan Elite Investment Holding (Pvt) Ltd 3. FITS Aviation (Private) Limited 4. Sherisha Technologies Private Limited 5. Treasure Republic Guardians Limited 6. Hayleys PLC FITS Aviation இலங்கையில் சர்வதேச இடங்களுக்கு வானூர்திகளை இயக்கும் முதல் தனியார் வானூர்தி நிறுவனமாகும். குறைந்த கட்டண வானூர்தி சேவையாக செயல்படும் FITS ஏர்லைன்ஸ், தற்போது இந்த நாட்டிலிருந்து தெற்காசியா மற்றும் மத்திய கிழக்கு பிராந்தியத்தில் உள்ள இடங்களுக்கு வானூர்திகளை இயக்குகிறது. மேலும், Hayleys PLC என்பது இலங்கையில் பலதரப்பட்ட துறைகளில் ஈடுபட்டுள்ள நிறுவனங்களின் ஒரு பெரிய குழுவாகும் மற்றும் கோடீஸ்வர வர்த்தகரான தம்மிக்க பெரேரா அதன் கட்டுப்பாட்டு பங்குதாரராக உள்ளார். 31 டிசம்பர் 2023 இல் ஹேலிஸ் பிஎல்சியின் பங்கு மூலதனத்தில் 51.01% திரு. தம்மிக்க பெரேராவுக்கு சொந்தமானது. இது தொடர்பான இறுதித் தீர்மானத்திற்கு எதிர்வரும் ஜூலை மாதம் அமைச்சரவையின் அங்கீகாரம் வழங்கப்பட உள்ளதாக அரச நிறுவன மறுசீரமைப்புப் பிரிவு தெரிவித்துள்ளது. (ஏ)
95 0

Leave a comment

தொடர்புடைய செய்திகள்

Advertisement


Contact Us

361, Kasthuriyar Road, Jaffna.

0771209996

admin@uthayan.com

Uthayan is a Sri Lankan daily newspaper that caters to the Tamil-speaking population. It is published by the esteemed New Uthayan Publication (Private) Limited, which is a constituent of the illustrious Uthayan Group of Newspapers. The newspaper was established in 1985 and operates from the city of Jaffna. It has a sister newspaper, Sudar Oli, which is headquartered in Colombo. Notably, Uthayan was the sole newspaper that continued its operations in Jaffna during the civil war. Unfortunately, the newspaper has faced numerous challenges, including repeated attacks, targeted killings of its personnel by paramilitary groups, and persistent threats.

Copyright © 2023 UTHAYAN All rights reserved.