(புதியவன்)
மாற்றுத்திறனாளிகளுக்கான சமூக சேவைகள் பணிமனையினால் நடாத்தப்படும் தேசிய தடகளப் போட்டியுடன் இணைந்து நுவரெலியா மாவட்ட சுற்றுப் போட்டி (28.03.2024) இன்று நுவரெலியா மாநகர சபை விளையாட்டு மைதானத்தில் நடைபெற்றது.
நுவரெலியா மாவட்டத்தின் ஏழு பிரதேச செயலகப் பிரிவுகளை பிரதிநிதித்துவப்படுத்தும் பல்வேறு பிரிவுகளில் போட்டியாளர்கள் கலந்துகொண்ட இச்சுற்றுப்போட்டியில் 100, 200, 400 மீற்றர் தடை ஓட்டம், ஈட்டி எறிதல், நீளம் பாய்தல், தடம் பாய்தல் மற்றும் தடகளப் போட்டிகள் இடம்பெற்றன.
சமூக சேவைகள் பணிமனையின் நுவரெலியா மாவட்ட அலுவலகம் மற்றும் பிரதேச செயலகத்தின் சமூக சேவைகள் பிரிவு இந்த போட்டியின் ஏற்பாட்டிற்கு தலைமை தாங்கியதுடன், நுவரெலியா மாவட்ட விளையாட்டு அபிவிருத்தி பிரிவு மற்றும் விளையாட்டு அதிகாரிகள் நடுவர்கள்.
நுவரெலியா மாவட்ட செயலாளர் நந்தன கலபட அவர்களின் பூரண மேற்பார்வையின் கீழ் ஏற்பாடு செய்யப்பட்ட இப்போட்டி வெற்றியாளர்களுக்கான சான்றிதழ் வழங்கும் நிகழ்வில் நுவரெலியா மேலதிக மாவட்ட செயலாளர் (காணி) தினிகா கவிசேகர ஆகியோர் கலந்துகொண்டனர்.
இந்த போட்டியில் சி வி ஆர் CBR தன்னார்வலர்கள், சுய உதவி நிறுவன அதிகாரிகள், மாற்றுத்திறனாளிகளின் பெற்றோர்கள் மற்றும் பலர் கலந்து கொண்டனர்.(ப)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.