இண்டைக்கு உலகத்தை ஆட்டிப்படைக்கிறதே தொடர்பாடல் தான். இப்ப எல்லா அலுவலையும் இருந்த இடத்தில இருந்தே செய்யமுடியுதெண்டால், தொடர்பாடலில ஒவ்வொருநாளும் முன்னேறிக்கொண்டு போறது. தான் காரணம். இப்ப போனிலையே காதலிச்சு, போனிலையே கலியாணமும் கட்டுற அளவுக்கு ரெக்னோலொஜி வளர்ந்திட்டது. ஆனால் சில பொதுவான விசயங்களுக்கு இன்னும் 'லாண்ட் லைன்' போன்தான் பாவனையில இருக்கு. முக்கியமா கவர்மெண்ட் ஒப்பீஸுகளுக்கு உத்தியோகபூர்வமா கோல் எடுக்கவேணும் எண்டால், அந்தந்த ஒப்பீஸுக்குரிய 'லாண்ட்லைன்' நம்பருக்குத்தான் சனங்கள் கோல் எடுத்துக் கதைக்க வேணும். சனங்கள் கோல் எடுத்தால் அதை ஆன்ஸர் பண்ணி, அவை எதுக்காகக் கோல் எடுத்தவை எண்டு ஒப்பீஸ்காரர் கேக்கவும் வேணும். ஆனால் இப்ப எல்லாரும் செல்போனுக்கு மாறிட்டதாலையோ என்னவோ, இந்த லாண்ட்போனில கோல் எடுத்தால் கதைக்கப் பஞ்சிப்படுகினம்.
உதயன் பேப்பருக்கு நேற்று ஒரு கடிதம். யாழ்ப்பாணம் முனிசிபல் ஆணையாளர்தான் அந்தக் கடிதம் போட்டிருந்தவர். குருநகரில வந்த டெங்குத்தாக்கம் பற்றி பேப்பரில வந்த செய்தி பற்றி தங்கடகருத்தை சொல்லி. இனிமேல் இப்பிடியான செய்தி போடுறதெண்டால் தன்னையோ இல்லாட்டி சுகாதார மருத்துவ அதிகாரியையோ கேட்டுப்போட்டு போடுங்கோ 'எண்டு அந்தக் கடிதத்தில எழுதியிருந்தார். இதைப்பற்றி ஒருக்கா அவரோட கதைப்பம் எண்டு, அவரின் 'லெட்டர்ஹெட்டில' இருந்த 'லாண்ட்போன்'நம்பருக்கு கோல் எடுத்தால் மணி அடிக்குது, அடிக்குது, அடிச்சுக் கொண்டே இருக்குது. ஒருத்தரும் எடுப்பார் இல்லை. சரி. அவர் ஏதோ பிஸியாக்கும் எண்டிட்டு செயலாளரின்ர 'லாண்ட் போன் நம்பருக்கு எடுத்தால் அது வேலையே செய்யேலை. அதுக்குப் பிறகு பொதுசன தொடர்பு அதிகாரி எண்டு போட்டிருந்த நம்பருக்கும் எடுத்தால் அதுவும் மணியடி விளை யாட்டுத்தான். ஒருத்தரும் ஏன், எதுக்கு எண்டு கேக்காமல் அந்தப் போனும் தன்ரபாட்டில அடிச்சுப் போட்டு நிண்டிட்டுது. ஒருக்கா ரண்டு தரமில்லை. நாலைஞ்சு தரம் இந்த மூண்டு நம்பருக்கும் கோல் எடுத்தால் இதே நிலைதான்.
ஒரு ஆத்திர அவசரமெண்டு, இவையின்ற 'லாண்ட்போனுக்கு' சனம் எடுத்தாலும் இது தானே நிலைமை. ஒருவேளை அந்த 'லாண்ட் போனை' பாவிக்கிறேலை எண்டால், அதை ஏன் லெட்டர்ஹெட்டில போடுறியள் ? பேசாமல் செல்போன் நம்பரையே போடலாமே? முதலே சொன்னமாதிரி 'லாண்ட்போன்' தான் உத்தி யோகபூர்வமாத் தொடர்புகொள்ளவேண்டிய நம்பர். அதில வாற கோலுக்குத்தான் அதிகாரிமார் முக்கியத்துவமும் குடுக்கோணும். ஆனால் அப்பிடியெல்லாம் இஞ்சத்தை அரசாங்க ஒப்பீஸ்களில நடக்கிறேலை. ஏதோ வேண்டாப் பெண்டாட்டி போலத்தான் உந்த லாண்ட் போனுகளை அவையள் பாக்கினம் போல...
(08.04.2024- உதயன் பத்திரிகை)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.